ବଲାଙ୍ଗୀରରେ ଚାଞ୍ଚଲ୍ୟ ; ଘର ଭିତରେ ଛାତ୍ରୀଙ୍କ ତଣ୍ଟିକାଟି ହତ୍ୟା

ବଲାଙ୍ଗୀର : ଆରମ୍ଭ ହେବା ଆଗରୁ ସରିଗଲା ସ୍ବପ୍ନ । କାଲିଯୁକ୍ତ ଦୁଇରେ ନାମ ଲେଖାଇଥିଲେ ଆଜି ଆରପାରିକୁ ଚାଲିଗଲେ । ବଲାଙ୍ଗୀର ସେଣ୍ଟ୍ରାଲ ସ୍କୁଲ ନିକଟ ନିଖିଳ ନଗରରେ ଛାତ୍ରୀଙ୍କୁ ବୀଭତ୍ସ ହତ୍ୟା । ମୃତକ ହେଲେ ୧୫ ବର୍ଷୀୟ ଶେଷାଦ୍ରୀ ନାଗ । ଘରେ ଏକାଥିବା ସମୟରେ କେହି ଦୁର୍ବୃତ୍ତ ତଣ୍ଟିକାଟି ହତ୍ୟା କରିଥିବା ଜଣାପଡ଼ିଛି । ଘର ଭିତରୁ ରକ୍ତ ଜୁଡ଼ୁବୁଡ଼ୁ ମୃତଦେହ ଉଦ୍ଧାର କରିଛି ବଲାଙ୍ଗୀର ଟାଉନଥାନା ପୋଲିସ । ଏସପି ରିଷିକେଶ ଖିଲାରୀ ମଧ୍ୟ ଘଟଣାସ୍ଥଳରେ ତଦନ୍ତ କରିଛନ୍ତି ।

ଡଗ୍ ସ୍କ୍ବାଡ୍ ଓ ସାଇଣ୍ଟିଫିକ ଟିମ ସହାୟତାରେ ତଦନ୍ତ ଜାରି ରହିଛି । ଶେଷାଦ୍ରୀଙ୍କ ବାପା ରାଜମିସ୍ତ୍ରୀ ଭାବେ କାମ କରୁଥିବାବେଳେ ମାଆ ମ୍ୟୁନିସପାଲଟିରେ ସଫେଇ କର୍ମଚାରୀ ଭାବେ କାମ କରୁଥିଲେ । ଗତକାଲି ଶେଷାଦ୍ରୀ ଏକ ଘରୋଇ କଲେଜରେ ଯୁକ୍ତଦୁଇରେ ନାମ ଲେଖାଇଥିଲେ । ଏକତରଫା ପ୍ରେମରୁ କେହି ହତ୍ୟା କରିଥିବା ସନ୍ଦେହ କରିଛି ପୋଲିସ ।