ଶିକ୍ଷକଙ୍କ ଜୋତା ମାଡରେ ଛାତ୍ରଛାତ୍ରୀ ଆହତ , କାର୍ଯ୍ୟାନୁଷ୍ଠାନ ଦାବି କଲେ ଅଭିଭାବକ

ସୁବର୍ଣ୍ଣପୁର: ଶିକ୍ଷକଙ୍କ ଜୋତା ମାଡରେ ଛାତ୍ରଛାତ୍ରୀ ଆହତ । ପ୍ରଧାନ ଶିକ୍ଷକ ତଥା ଥାନାରେ ଅଭିଯୋଗ କରି ନ୍ୟାୟ ନ ମିଳିବାରୁ ଜିଲ୍ଲା ଶିକ୍ଷା ଅଧିକାରୀଙ୍କ ଦ୍ବାରସ୍ଥ ହେଲେ ଅଭିଭାବକ । ଗତ 15ତାରିଖ ଦିନ ସୁବର୍ଣ୍ଣପୁର ବିନିକା ବ୍ଲକ ସାଲମାଟିକିରା ସରକାରୀ ପ୍ରାଥମିକ ବିଦ୍ୟାଳୟର ଶିକ୍ଷକ ଦେବେନ୍ଦ୍ର କୁମାର ପୁରୋହିତ ସେହି ବିଦ୍ୟାଳୟର ଜଣେ ଛାତ୍ର କୁନୁ ବାଘ ଓ ଜଣେ ଛାତ୍ରୀ ଶିବାନୀ ସାଲମାଙ୍କୁ ନିଜ ଜୋତାରେ ମାରିଥିଲେ ।

ଫଳରେ ଉଭୟ ଛାତ୍ରଛାତ୍ରୀ ଆହତ ହୋଇ ବିନିକା ଡାକ୍ତରଖାନାରେ ଚିକିତ୍ସିତ ହୋଇ ଘରକୁ ଫେରିଥିଲେ ।ପରେ ପରେ ଉଭୟଙ୍କ ବାପା ମା ପ୍ରଧାନ ଶିକ୍ଷକଙ୍କୁ ଅଭିଯୋଗ କରିବା ସହିତ ବିନିକା ଥାନାରେ ଲିଖିତ ଅଭିଯୋଗ କରିଥିଲେ । ହେଲେ ଆଜକୁ ସାତ ଦିନ ବିତିଯାଇଥିଲେ ହେଁ ମାଡ ମାରିଥିବା ଶିକ୍ଷକଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ନ ହେବାରୁ ଅବିଭାବକମାନେ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟକୁ ଆସି ଅଭିଯୋଗ କରିଛନ୍ତି । ମାଡ ମାରିଥିବା ଶିକ୍ଷକଙ୍କ ଉପରେ ଦୃଷ୍ଟାନ୍ତମୁଳକ କାର୍ଯ୍ୟାନୁଷ୍ଠାନ ନ ହେଲେ ଆଗାମୀ ଦିନରେ ଆନ୍ଦୋଳନକୁ ଓହ୍ଲାଇବେ ବୋଲି ଧମକ ଦେଇଛନ୍ତି ।