ଶାଳନିଆ କେନାଲରେ ଅଘଟଣ, ଗାଧୋଇବା ବେଳେ ଭାସିଗଲେ ଛାତ୍ର

କେନ୍ଦୁଝର:  ଆନନ୍ଦପୁର ବିଦ୍ୟାଧରପୁର ଶାଳନିଆ କେନାଲରେ ଅଘଟଣ । ପନ୍ଦାଡ଼ ନିକଟରେ ଗାଧୋଇବା ସମୟରେ ବୁଡ଼ିଗଲେ ୨ ନାବାଳକ । କେନାଲରେ ଚାରି ଜଣ ଛାତ୍ର ଗାଧୋଉଥିବା ବେଳେ ଦୁଇ ଜଣ ଭାସିଯାଇ ନିଖୋଜ ଥିବା ଜଣାପଡ଼ିଛି ।  ସେପଟେ ଅଗ୍ନିଶମ ବିଭାଗ ପକ୍ଷରୁ ଜଣେ ନାବାଳକଙ୍କ ମୃତଦେହ ଉଦ୍ଧାର କରାଯାଇଛି ।

ମୃତକ ନାବାଳକ ହେଲେ ପଦରୁଖା ଗାଁର ବିଶ୍ୱନାଥ ରାଉତଙ୍କ ପୁଅ ହିମାଂଶୁ । ପନ୍ଦାଡ଼ ଗାଁର ବବୁଲ ଦାସ ଏବେବି ନିଖୋଜ ଥିବା ଜଣାପଡିଛି । ହାଟଡ଼ିହି ଓ ଆନନ୍ଦପୁର ଦମକଳ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି ।