କୀଟନାଶକ ପିଇ ୮ବର୍ଷୀୟ ନାବାଳକର ମୃତ୍ୟୁ

ଭଦ୍ରକ: ବିଷ ପିଇ ୮ବର୍ଷୀୟ ନାବାଳକର ମୃତ୍ୟୁ । ଖଇରା ବ୍ଲକ ବର୍ତ୍ତନା ପଞ୍ଚାୟତ ଉଦୟପୁର ଗାଁର ପବିତ୍ର ଦାସଙ୍କର ୮ବର୍ଷର ପୁଅ ମାନସ ଦାସ । ବର୍ତ୍ତନା ବିଦ୍ୟାଳୟରେ ଚତୁର୍ଥ ଶ୍ରେଣୀରେ ପଢ଼ୁନ୍ତି । ଗତକାଲି ସ୍କୁଲରୁ ଆସିଲା ପରେ ବାପା ରଖିଥିବା କୀଟନାଶକ ପିଇ ଦେଇଥିଲେ ମାନସ । ପରେ ବାନ୍ତି କରିବାରୁ ପରିବାର ଲୋକ ପଚାରିବାରୁ ବିଷ ପିଇଦେଇଥିବା ଜଣାପଡ଼ିଥିଲା ।

ପରେ ପରିବାର ଲୋକ ପ୍ରଥମେ ଆଗରପଡା ପରେ ଅବସ୍ଥା ଗୁରୁତର ହେବାରୁ ଭଦ୍ରକ ମେଡ଼ିକାଲଙ୍କୁ ନେଇଥିଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି। ବିଷ ପିଇବା କାରଣ କ’ଣ ନିର୍ଦ୍ଦିଷ୍ଟ ଭାବରେ ପରିବାର ଲୋକେ କହୁନଥିବା ବେଳେ ଅଭିଯୋଗ ପରେ ପୋଲିସ ତଦନ୍ତ କଲେ ଜଣାପଡ଼ିବ ।

ଏଥିସହିତ ପଢ଼ନ୍ତୁ: ଆଜି କାରଗିଲ୍ ବିଜୟ ଦିବସ; କୁଣ୍ଢେମୋଟ ହେଇଯାଉଛି ସାରା ଦେଶବାସୀଙ୍କ ହୃଦୟ