ବିଏମସିକୁ ଟେନସନ ଦେଉଛି ବୁଲା ଗାଈ ଗୋରୁ। ଅଳ୍ପରେ ବଞ୍ଚିଲେ ଅଭିନେତ୍ରୀ। ଗାଇକୁ ବଞ୍ଚେଇବାକୁ ଯାଇ ଓଲଟିଲା ଲୁମରାଇନାଙ୍କ କାର। ବିଏମସିର କ୍ଯାଟେଲ ଭ୍ଯାନ ବୁଲୁଛି, ହେଲେ ଗାଇ ଗୋରୁ ଉଠୁନି। ପଟିଆରୁ ନନ୍ଦନକାନନ ରାସ୍ତାରେ ମାଳ ମାଳ ଗାଈ ଗୋରୁ। ଗୋଶାଳାକୁ ଉଠାଇବା ବେଳେ ଆକ୍ରମାଣ କରୁଛନ୍ତି ସଂଗଠନ। .ଜୟଦେବ ବିହାରରୁ ନନ୍ଦନକାନନ ରାସ୍ତା। ରାତି ପାହିଲେ ରାସ୍ତାରେ ହଜାର ହଜାର ଗାଡି ଗଡୁଛି। କେତେ ବେଳେ ବେପାରୁଆ ଗାଡି ଚାଳନା ତ, ଆଉ କେତେ ବେଳେ ବୁଲା ଗାଈ ଗୋରୁ ଯୋଗୁ ଘଟୁଛି ଦୁର୍ଘଟଣା। କେତବେଳେ ଲୋକ ତ ଆଉ କେତେ ବେଳେ ଗୋମାତାଙ୍କ ଯାଉଛି ଜୀବନ। ଗତ ଦୁଇ ଦିନ ତଳେ ଓଲିଓଡ ଅଭିନେତ୍ରୀ ଲୁମରାଇନା ଶତପଥୀ ରାତି ୧୧ଟା ପରେ ଘରକୁ ଫେରୁଥିବା ବେଳେ ପଟିଆ ଛକରେ ରାସ୍ତା ମଝିକୁ ପଳେଇ ଆସିଥିଲା ଗୋଟିଏ ଗାଈ। ଗାଈକୁ ବଞ୍ଚେଇ ବାକୁ ଯାଇ ଡିଭାଇଡରରେ ପିଟି ହୋଇ ଓଲଟି ପଡିଥିଲା ଅଭିନେତ୍ରୀଙ୍କ କାର । ଦୃଘଟଣାରେ ଲୁମରାଇନାଙ୍କ ମୁହଁ ଓ ନାକରେ ଆଘାତ ଲାଗିଥିଲା । ସ୍ଥାନୀୟ ଲୋକଙ୍କ ସହାୟତାରେ ଉଦ୍ଧାର ହୋଇ ମେଡିକାଲରେ ଚିକତ୍ସିତ ହୋଇଥିଲେ ।
ସେପଟେ ରାଜଧାନୀରୁ ପ୍ରତିଦିନ କାଞ୍ଜିଆ ହୁଦା ବା ଗୋଶାଳକୁ ବିଏମସିର ଟିମ ବୁଲା ଗାଈ ଗୋରୁ ଉଠାଇ ନେଉଛନ୍ତି ।ଏବେ ରାସ୍ତାରୁ ଗାଈ ଗୋରୁଙ୍କୁ ଉଠାଇବାକୁ ଗଲା ବେଳେ ଅନେକ ସମୟରେ ସଂଗଠନ ମାନେ ଆକ୍ରମଣ କରୁଛନ୍ତି। ହେଲେ ବିଏମସିର ଟିମକୁ ପୋଲିସର ସୁରକ୍ଷା ମିଳୁନାହିଁ। ଏ ନେଇ ରାଜ୍ୟ ସରକାରଙ୍କ ସହିତ ବିଏମସି ଅଲୋଚନା କରିବ। ଅନେକ ସମୟରେ ଲୋକ ମାନେ ଗାଇର କ୍ଷୀର ବାହାର କରିବା ପରେ ରାଜ ରାସ୍ତାକୁ ଛାଡି ଦେଉଛନ୍ତି। ଫଳରେ ରାସ୍ତାରେ ଗାଇ ଗୋରୁ ବୁଲିବା ଯୋଗୁ ଦୁର୍ଘଟଣାମାନ ଘଟୁଛି । ଭୁବନେଶ୍ବରରେ ଏବେ ୬ଟି ଗୋଶାଳାରେ ୩ ହଜାରରୁ ଅଧିକ ଗାଈ ଗୋରୁ ରହିଛନ୍ତି । ଗୋମତା ମାନେ କିଭଳି ସୁରକ୍ଷିତ ରହିବେ ଏବଂ ତାଙ୍କର ଖାଇବା ଠାରୁ ସ୍ବାସ୍ଥ୍ଯବସ୍ତା ବୁଝୁଛି ବିଏମସି।
