୭ ବର୍ଷ ବୟସରେ ମୁହଁରୁ ବାହାରୁଛି ଭାଗବତ ଗୀତାର ଶ୍ଲୋକ
ଉଦଳା: ମୟୂରଭଞ୍ଜ ଜିଲ୍ଲା ଉଦଳାର ବିସ୍ମୟ ବାଳିକା ପରିରୂପା । ୭ ବର୍ଷ ବୟସରୁ ମୁହଁରୁ ବାହାରୁଛି ଭାଗବତ ଗୀତାର ଶ୍ଲୋକ । ଅନର୍ଗଳ ଭାବେ ଗାଇ ଚାଲିଛି ଶ୍ଲୋକ । ଏଥିସହ ଏହାକୁ ମଧ୍ୟ ଖୁବ୍ ସୁନ୍ଦର ଭାବେ ବ୍ୟାଖା କରିପାରୁଛି ।
ବିସ୍ମୟ ବାଳିକା ପରିରୂପା ମହାନ୍ତ । ୭ ବର୍ଷରେ ଗାଉଛି ଅନର୍ଗଳ ଗୀତା । ମୁହଁରୁ ବାହାରୁଛି ୭ ଶହ ଶ୍ଲୋକ । ଜନ୍ମ ଠାରୁ ମୃତ୍ୟୁ ପର୍ଯ୍ୟନ୍ତ କରୁଛି ବ୍ୟଖ୍ୟା । ମୟୂରଭଞ୍ଜ ଜିଲ୍ଲା ଉଦଳା ବଳଭଦ୍ରପୁରର ବିସ୍ମୟ ବାଳିକା ପରିରୂପା । ବୟସ ମାତ୍ର ୭ ବର୍ଷ । ହେଲେ ମୁହଁରୁ ଅନର୍ଗଳ ବାହାରୁଛି ଭାଗବତ ଗୀତାର ଶ୍ଲୋକ । ମାତ୍ର ୩ ଘଣ୍ଟା ମଧ୍ୟରେ ୧୮ତମ ଅଧ୍ୟାୟର ୭ ଶହ ଶ୍ଲୋକକୁ କହିବା ସହିତ ବ୍ୟାଖା କରିପାରୁଛି ପରିରୂପା । ଜନ୍ମ, ମୃତ୍ୟୁ, ଆତ୍ମା, କର୍ତ୍ତବ୍ୟ ଏସବୁର ଅର୍ଥ ଗୀତା ପାଠ କଲେ ଜ୍ଞାନ ଉଦୟ ହୋଇଥାଏ ।
ପରି କୁନି ପିଲା ହୋଇଥିଲେ ମଧ୍ୟ ଏସବୁ ଅର୍ଥ ବୁଝିବା ସହିତ ସକାଳ ଓ ରାତ୍ରୀ ସମୟରେ ଗୋଟିଏ ଶ୍ଲୋକ ବୋଲୁଛି । ଏଥିପାଇଁ ପରିରୂପା କେଉଁଠାରୁ ଜ୍ଞାନ ଆହାରଣ କରିନାହିଁ । ବରଂ ମାଆ ପ୍ରତ୍ୟେକ ଦିନ ଗୀତା ପାଠ କଲାବେଳେ ଶୁଣି ଶୁଣି ଶିଖିଥିବା ପରିବାର ଲୋକ କହିଛନ୍ତି । ପିଲାଟେ ଜନ୍ମ ହେଲା ପରେ ଭଲ ମଣିଷ ହେବା ପାଇଁ ସ୍ୱପ୍ନ ଦେଖିଥାନ୍ତି ବାପା, ମାଆ । ସେଥିପାଇଁ ପିଲାଙ୍କୁ ଛୋଟ ବେଳୁ ପାଠ ସହ ସଂସ୍କାର ଶିକ୍ଷାଇଲେ ପିରରୂପା ପରି ଅନେକଙ୍କର ଅନ୍ତର୍ନିହିତ ଜ୍ଞାନ ଉଦୟ ହୋଇପାରିବ ।
