ସ୍ୱତନ୍ତ୍ର ଟ୍ରେନ୍ ଯୋଗେ କେରଳରୁ ଓଡ଼ିଶା ଫେରୁଛନ୍ତି ପ୍ରବାସୀ
ଭୁବନେଶ୍ୱର: ଲକକଡାଉନ ପାଇଁ ବିଭିନ୍ନ ରାଜ୍ୟରେ ଫସିଥିବା ପ୍ରବାସୀ ଓଡ଼ିଆଙ୍କ ଚାଲିଛି ଘରବାହୁଡ଼ା । ଟ୍ରେନରେ ହେଉଛି ଘର ବାହୁଡ଼ା । କେରଳ ଆଲୁଭା ଷ୍ଟେସନରୁ ପ୍ରବାସୀଙ୍କୁ ଧରି ପ୍ରଥମ ଟ୍ରେନ ଓଡ଼ିଶା ଅଭିମୁଖେ ବାହାରିଛି । ଏହି ସ୍ୱତନ୍ତ୍ର ଟ୍ରେନରେ ରାଜ୍ୟର ବିଭିନ୍ନ ବିଭିନ୍ନ ଜିଲ୍ଲାର ପ୍ରବାସୀ ଶ୍ରମିକତ ଅଛନ୍ତି ।
ସମସ୍ତେ ଶାନ୍ତିଶୃଙ୍ଖଳାର ସହ ଷ୍ଟେସନରୁ ଓଡିଶା ଅଭିମୁଖେ ଯାତ୍ରା ଆରମ୍ଭ କରିଛନ୍ତି । ଯାତ୍ରା ପୂର୍ବରୁ ସମସ୍ତଙ୍କ ସ୍ୱାସ୍ଥ୍ୟାବସ୍ଥା ଯାଞ୍ଚ କରାଯାଇଥିଲା । ଅନ୍ୟପଟେ ପ୍ରବାସୀଙ୍କ ପାଇଁ ଟ୍ରେନରେ ଖାଦ୍ୟପାନୀୟର ବ୍ୟବସ୍ଥା କରାଯାଇଛି । ପଞ୍ଜୀକୃତ ଏହି ପ୍ରବାସୀ ମାନେ ଓଡ଼ିଶା ଫେରିବା ପରେ ସମସ୍ତଙ୍କୁ କ୍ୱାରେଣ୍ଟାଇନରେ ରଖାଯିବ ।
