ଶ୍ରୀକ୍ଷେତ୍ରରେ ଭାସୁଛି ବିରାଟ ପଥର, ରାମ ସେତୁ ଶିଳା ହୋଇଥିବା ଅନୁମାନ

1 min read

ପୁରୀ: ପାଣିରେ ଭାସୁଛି ପଥର । ଗୋଷାଣୀ ବିସର୍ଜନ ବେଳେ ମହୋଦଧୀରୁ ମିଳିଛି ଏମିତି ଏକ ପଥର । ଯାହା ପାଣିରେ ପକାଇଲେ ବୁଡୁନି, ବରଂ ଭାସୁଛି । ଏ ଦୃଶ୍ୟ ପୁରୀ ମାର୍କଣ୍ଡ ପୁଷ୍କରିଣୀର । ଏତେ ବଡ଼ ପଥର  ପାଣିରେ ପକାଇବା ପରେ ବି ଭାସୁଛି । ଗତକାଲି ପୁରୀରେ ଗୋଷାଣୀ ଉତ୍ସବ ପରେ ପୂଜା ସାମଗ୍ରୀକୁ ସମୁଦ୍ରରେ ବିସର୍ଜନ କରାଯାଉଥିଲା । ଏହି ସମୟରେ ସମୁଦ୍ରରେ ଏକ ପଥର ଲହଡିରେ ମାଡ଼ ହେବା ସହ ଭାସୁଥିବା ଦେଖିବାକୁ ମିଳିଥିଲା ।

ଏହା ଦେଖି ପୁରୀର ସନ୍ତୋଷ କୁମାର ଜାଲି ଶ୍ରୀମନ୍ଦିର ସେବାୟତ ଶମ୍ଭୁ ଖୁଣ୍ଟିଆଙ୍କୁ ପଥରଟିକୁ ଦେଇଥିଲେ । ପରେ ପରୀକ୍ଷା ପାଇଁ ସେବାୟତ ଶମ୍ଭୁ ଖୁଣ୍ଟିଆ ପଥରଟିକୁ ମାର୍କଣ୍ଡ ପୁଷ୍କରିଣୀରେ ପକାଇ ଥିଲେ। ହେଲେ ପଥରଟି ବୁଡିବା ପରିବର୍ତ୍ତେ ଭାସିଥିଲା । ଭାସମାନ ପଥରକୁ ନେଇ ପୁରୀ ସହରରେ ଚର୍ଚ୍ଚା ହେଉଛି । ଏହା ତ୍ରେତୟା ଯୁଗର ଶ୍ରୀରାମଙ୍କ ଦ୍ଵାରା ନିର୍ମିତ ସେତୁ ବନ୍ଧର ଶିଳା ହୋଇଥାଇପାରେ ବୋଲି କୁହାଯାଉଛି । ତେବେ ପଥରଟି କାହିଁକି ପାଣିରେ ଭାସୁଛି ସେନେଇ ପରୀକ୍ଷା କରିବାକୁ ଦାବି ହୋଇଛି ।

Opn Commnet Area

Leave a Reply

Your email address will not be published. Required fields are marked *