ଅଯୋଧ୍ୟା ରାମ ମନ୍ଦିର ନିର୍ମାଣରେ ହୋଇପାରେ ବିଳମ୍ୱ: ୨୫ ଟ୍ରକ ପଥର ଜବତ
ଭରତପୁର: ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ମନ୍ଦିର ନିର୍ମାଣ କାର୍ଯ୍ୟ ଜୋରସୋରରେ ଜାରି ରହିଛି । କିନ୍ତୁ ରାଜସ୍ଥାନ ସରକାରଙ୍କ ନୂଆ ନିଷ୍ପତ୍ତି ନିର୍ମାଣ କାର୍ଯ୍ୟର ଗତି ଉପରେ ପ୍ରଭାବ ପକାଇବ । ସୂଚନା ଯୋଗ୍ୟ ଯେ, ରାମ ମନ୍ଦିର ନିର୍ମାଣ ନେଇ ବହୁ ବର୍ଷ ଧରି ବଂଶୀ ପାହାଡ଼ପୁରରୁ ପଠାଯାଉଥିବା ଗୋଲାପୀ ପଥର ଉପରେ ରାଜସ୍ଥାନ ସରକାର ରୋକ୍ ଲଗାଇଛନ୍ତି । ସୋମବାର ଭରତପୁର ଜିଲ୍ଲା ପ୍ରଶାସନ, ପୋଲିସ ଓ ବନ ବିଭଗର ମିଳିତ ଟିମ୍ କାର୍ଯ୍ୟାନୁଷ୍ଠାନ ସ୍ୱରୂପ ଗୋଲାପୀ ପଥର ବୋଝେଇ ୨୫ ଟ୍ରକକୁ ଜବତ କରାଯାଇଛି । ରାମ ମନ୍ଦିର ନିର୍ମାଣ ନେଇ ଭରତପୁରର ବଂଶୀ ପାହାଡ଼ପୁରରୁ ପଥରଙ୍କୁ ନେଇ ବିଶେଷ କଥା ଏହା ଯେ, ଏ ଯାଏଁ ଏହି ପାହାଡ଼ର ପଥର ଖନନ ନେଇ ସରକାରଙ୍କ ପକ୍ଷରୁ କାହାକୁ ବି ଅନୁମତି ଦିଆଯାଇନାହିଁ ।
ଲିଜ୍ ନଥାଇ ପଥର ଖନନ ଚାଲିଥିଲା
ପ୍ରଶାସନ ତରଫରୁ ବଂଶୀ ପାହାଡ଼ପୁରରେ ହେଉଥିବା ଅବୈଧ ଖନନ ଉପରେ ରୋକ୍ ଲଗାଯାଇଛି । ଏହାପରେ ରାମ ମନ୍ଦିର ନିର୍ମାଣ ପାଇଁ ଯାଉଥିବା ପଥରରୁ ଅଯୋଧ୍ୟା ପଠାଯାଇପାରୁନାହିଁ । ଏହା ସହିତ ଏକ ବଡ଼ ପ୍ରଶ୍ନ ଏହା ଭି ଯେ, ଖନନ କରିବାକୁ ଅନୁମତି ସରକାରଙ୍କ ପକ୍ଷରୁ କାହାକୁ ବି ଦିଆଯାଇନାହିଁ । ତେବେ ଏଠାରେ କାହିଁକି ଖନନ ଚାଲିଥିଲା ତା’ହାକୁ ନେଇ ଏବେ ପ୍ରଶ୍ନ । ପୋଲିସ, ବନ ବିନବିଭାଗ କର୍ମଚାରୀଙ୍କ ଅସାଧୁ ମେଳି ଯୋଗୁଁ ଏଭଳି ଅବୈଧ ଖନନ ହେବା ସମ୍ଭବ ନୁହେଁ । ଅଯୋଧ୍ୟାରେ ନିର୍ମାଣ ଚାଲିଥିବା ରମ ମନ୍ଦିର ପାଇଁ ପଥର ବହୁ ସମୟ ଧରି ଯାଉଛି । ଯେତେବେଳେ କି ଖନନ ନେଇ କାହାକୁ ବି ଅନୁମତି ଦିଆଯାଇନାହିଁ ।
ଅବୈଧ ଖନନ ବିରୋଧରେ କରାଯାଇଥିବ କାର୍ଯ୍ୟାନୁଷ୍ଠାନରେ ଜିଲ୍ଲା ପୋଲିସ ଅଧିକ୍ଷକ ଡ. ଅମନଦୀପ ସିଂହ କପୂର, ଜିଲ୍ଲାପାଳ ନଥମଲ ଡିଡେଲ ଏବଂ ଜିଲ୍ଲା ବନ ଅଧିକାରୀ ମୋହିତ ଗୁପ୍ତା ମଧ୍ୟ ଉପସ୍ଥିତ ଥିଲେ ।
