ସେୟାର ବଜାରରେ ହାହାକାର, କିଛି ମିନିଟରେ ଡୁବିଗଲା ୪ ଲକ୍ଷ କୋଟି

ମୁମ୍ବାଇ: ଆମେରିକା ଓ ୟୁରୋପୀୟ ବଜାରରେ ବିକ୍ରି ବୃଦ୍ଧି ପ୍ରଭାବରେ ଘରୋଇ ସେୟାର ବଜାରରେ ପ୍ରଭାବ ପଡ଼ିଛି । BSEର ୩୦ ସେୟାର ବିଶିଷ୍ଟ ଇଣ୍ଡେକ୍ସ ସେନସେକ୍ସ ୧ ହଜାର ୧୧୪ ପଏଣ୍ଟ ଖସି ୩୬ ହଜାର ୫୫୩ ପଏଣ୍ଟରେ ବନ୍ଦ ହୋଇଛି । ସେହିଭଳି NSEର ୫୦ ସେୟାର ବିଶିଷ୍ଟ ଇଣ୍ଡେକ୍ସ ନିଫ୍ଟି ୩୦୭ ଅଙ୍କ ଖସି ୧୦ ହଜାର ୮୨୪ ପଏଣ୍ଟରେ ବନ୍ଦ ହୋଇଛି । ବିଶେଷଜ୍ଞଙ୍କ କହିବା କଥା ଏହି ହ୍ରାସରେ ନିବେଶକଙ୍କ ୪ ଲକ୍ଷ କୋଟି ଟଙ୍କା କ୍ଷତି ହୋଇଛି । ତେବେ ଏହି ହ୍ରାସକୁ ନେଇ ନିବେଶକ ଡରିବା ଉଚିତ୍ ନୁହେଁ । କିନ୍ତୁ ନିବେଶରୁ ବଞ୍ଚିବା ଦରକାର ।

ଏସକୋର୍ଟ ସିକ୍ୟୁରିଟିର ରିସର୍ଚ୍ଚ ହେଡ୍ ଆସିଫ ଇକବାଲ କହିଛନ୍ତି- ଗ୍ଲୋବାଲ ମାର୍କେଟ୍ FinCEN ଖୁଲାସା ପରେ କମଜୋର ନଜର ଆସୁଛି । ଏଥିସହ ଗ୍ଲୋବାଲ ଗ୍ରୋଥ ଚିନ୍ତାକୁ ନେଇ ମାର୍କେଟରେ ଚିନ୍ତା ବଢ଼ିଯାଇଛି । ଫଳରେ ସେୟାର ବଜାରରେ ବଡ଼ ମାତ୍ରାରେ ହ୍ରାସ ଘଟିଛି ।

ବୁଧବାର ଆମେରିକା ସେୟାର ବଜାରରେ ଅଧିକ କିଣାବିକା ହୋଇଥିଲା । ଆମେରିକା ବେଞ୍ଚମାର୍କ ଇଣ୍ଡେକ୍ସ ଡାଔ ଜୋନ୍ସ ୧.୯୨ ପ୍ରତିଶତ ଖସିଥିଲା । ସେହିଭଳି ଏସଏଣ୍ଡପି ୫୦୦ ଇଣ୍ଡେକ୍ସରୁ ୨.୩୭ ପ୍ରତିଶତ ହ୍ରାସ ପାଇଥିଲା ।

ଭାରତୀୟ ସେୟାର ବଜାରରେ ବିଦେଶୀ ନିବେଦକ ଭଳ କିଣାବିକା କରିଥିଲେ । ଗତ ସଂସଦ ଅଧିବେଶନ ବେଳେ ନଗଦ ବଜାରରେ ୩,୯୧୨.୪୪ କୋଟି ଟଙ୍କା ସେୟାର ବିଦେଶୀ ବିକିଥିଲେ । ଅନ୍ୟପଟେ ସେହି ସମୟରେ ଘରୋଇ ସଂସ୍ଥା ନିବେଶକ ୧,୬୨୩.୨୩ କୋଟି ଟଙ୍କାର ସେୟାର କିଣିଥିଲେ ।

ସାତ ସପ୍ତାହ ହେଲା ନିମ୍ନସ୍ତରରେ ସେୟାର ବଜାର- ଆଜି ସେୟାର ବଜାର ଖୋଲିବା ପରେ ହିଁ ହ୍ରାସ ଦେଖିବାକୁ ମିଳଥିଲା । ଅଗଷ୍ଟ ୪ ତାରିଖ ପରେ ନିଫ୍ଟି ୧୧ ହଜାର ତଳକୁ ଖସି ଆସିଛି । ସାତ ସପ୍ତାହ ହେଲାଣି ବଜାର ତଳମୁହାଁ ରହିଛି । ନିଫ୍ଟିରେ ୫୦ରୁ ୪୮ ସେୟାର ଖସିଛି ।

FinCEN ଖୁଲାସା- FinCEN ଖୁଲାସାରେ ଗୁପ୍ତ ଆର୍ଥିକ ନେଣଦେଣ ଓ ବ୍ୟାଙ୍କିଂ ସହ ଜଡ଼ିତ ତଥ୍ୟ ସାମ୍ନାକପ ଆସିଛି । ଆମେରିକା ନିୟାମକ ଫିନସେନ୍ ସନ୍ଦିଗ୍ଧ ଗତିବିଧି ରିପୋର୍ଟ (SAR) ନାଁରେ ସିକ୍ରିଟେ ଦସ୍ତାବିଜ୍ ପ୍ରସ୍ତୁତ କରେ । ଏଥିରେ ୧୯୯୯ରୁ ୨୦୧୭ ମଧ୍ୟରେ ୨ ହଜାର ୧୨୧ ସନ୍ଦିଗ୍ଧ କାର୍ଯ୍ୟକଳାପ ବିଷୟରେ କୁହାଯାଇଛି ।