ଦିବ୍ୟାଙ୍ଗ ଛାତ୍ରଛାତ୍ରୀଙ୍କୁ ମିଳିବ ବର୍ଦ୍ଧିତ ବୃତ୍ତି, ଉପକୃତ ହେବେ ୨୩ ହଜାର ୬ ଶହ ଜଣ
ଭୁବନେଶ୍ୱର: ଦିବ୍ୟାଙ୍ଗ ଛାତ୍ରଛାତ୍ରୀଙ୍କୁ ମିଳିବ ବର୍ଦ୍ଧିତ ଛାତ୍ରବୃତ୍ତି । ବାଣୀଶ୍ରୀ ଯୋଜନାରେ ଆସନ୍ତା ଶିକ୍ଷାବର୍ଷ ଠାରୁ ୨୩ ହଜାର ୬ ଶହ ଦିବ୍ୟାଙ୍ଗ ଛାତ୍ରଛାତ୍ରୀଙ୍କୁ ବର୍ଦ୍ଧିତ ଛାତ୍ରବୃତ୍ତି ଦେବାକୁ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ପ୍ରାଥମିକ ସ୍କୁଲରେ ପଢ଼ୁଥିବା ପ୍ରଥମରୁ ପଞ୍ଚମ ଶ୍ରେଣୀ ପିଲାଙ୍କ ପାଇଁ ବୃତ୍ତି ୨ ଶହରୁ ଟଙ୍କାରୁ ୪୦୦ ଟଙ୍କାକୁ ବୃଦ୍ଧି କରାଯାଇଛି । ସେହିଭଳି ଷଷ୍ଠରୁ ଦଶମ ଶ୍ରେଣୀର ପିଲାଙ୍କ ବୃତ୍ତି ୨୫୦ରୁ ପାଖାପାଖି ୫ଶହ ଟଙ୍କାକୁ ବୃଦ୍ଧି ହୋଇଛି । +୨ ଓ +୩ର ଛାତ୍ରଙ୍କ ବୃତ୍ତି ୩ ଶହରୁରୁ ୬ ଶହକୁ ବୃଦ୍ଧି କରାଯାଇଛି ।
ସେହିଭଳି ସ୍ନାତକୋତ୍ତର ଓ ବୈଷୟିକ ଧନ୍ଦାମୂଳକ ତାଲିମ୍ ନେଉଥିବା ପିଲାଙ୍କ ଛାତ୍ରଛାତ୍ରୀଙ୍କ ବୃତ୍ତି ୩୫୦ରୁ ୭୦୦କୁ ବୃଦ୍ଧି କରାଯିବ । ବାକି ଜେନେରାଲ ଟେକ୍ନିକାଲ୍ ଓ ପ୍ରଫେସନାଲ୍ ଏଜୁକେସନ୍ ଫର ପ୍ରାଇଭେସନାଲରେ ରାଜ୍ୟ ବାହାରେ ପଢୁଥିବା ପିଲାଙ୍କ ବୃତ୍ତି ୩୫୦ରୁ ୭୦୦ ଟଙ୍କାକୁ ବୃଦ୍ଧି କରାଯିବ ।
ରିଡର୍ ଆନାଉନ୍ସରରେ ବୃତ୍ତି ଶହେ ଟଙ୍କାରୁ ୨ ଶହ ଟଙ୍କାକୁ ବୃଦ୍ଧି ଓ ମିଦିଲ୍ ସ୍କୁଲ ପାଇଁ ୧୫୦ରୁ ୩୦୦କୁ ବୃଦ୍ଧି ହୋଇଛି । ଅନ୍ୟମାନଙ୍କ ପାଇଁ ୨ ଶହରୁ ୪୦୦କୁ ବୃଦ୍ଧି କରାଯାଇଛି । ଶାରିରୀକ ପ୍ରତିବନ୍ଧକ ପିଲାଙ୍କ ପାଇଁ ପରିବହନ ଆନାଉନ୍ସ ଘୋଷଣା କରାଯାଇଛି । ଏହା ଆସନ୍ତା ଆଥିକ ବର୍ଷରୁ ଲାଗୁ କରାଯିବ ବୋଲି କହିଛନ୍ତି ବିଭାଗୀୟ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ।
