STF ହାତରେ ସାଙ୍ଘାତିକ ତଥ୍ୟ, ଅଭିଯୁକ୍ତଙ୍କୁ ପାକିସ୍ତାନ ଦେଇଛି ୫୦ ଲକ୍ଷରୁ ଅଧିକ ଟଙ୍କା
1 min read
ଭୁବନେଶ୍ବର: ଓଟିପି ସେୟାରିଂ ମାମଲାରେ STF ହାତରେ ସାଙ୍ଘାତିକ ତଥ୍ୟ । ଭାରତରୁ ଗୁପ୍ତ ତଥ୍ୟ ପାଇବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରିଥିଲା ପାକିସ୍ତାନ । ଅଭିଯୁକ୍ତ ଇକବାଲ ହୁସେନ ଆକାଉଣ୍ଟକୁ ପାକିସ୍ତାନରୁ ଆସିଛି ୫୦ ଲକ୍ଷରୁ ଅଧିକ ଟଙ୍କା ।
ଖୁବଶୀଘ୍ର ଅଭିଯୁକ୍ତକୁ ରିମାଣ୍ଡରେ ନେବ ସ୍ପେଶାଲ ଟାସ୍କଫୋର୍ସ । STF ହାତରେ ଲାଗିଛି ଅଭିଯୁକ୍ତର ସିଡିଆର । ଇକବାଲ ହୁସେନ ଘର ଆସାମରେ ହୋଇଥିବା ବେଳେ ସେ ବେଙ୍ଗାଳୁରୁରେ ରହୁଥିଲା । ପାକିସ୍ତାନ ଇଣ୍ଟେଲିଜେନ୍ସ ଆର୍ମି ଅଫିସର ଅବଦୁଲ ହମିଦ ଖୁରମ ସହ ତାର ଲିଙ୍କ ଥିବା ସନ୍ଦେହ କରାଯାଉଛି । ଗିରଫ ଭୟରେ ପ୍ରତିଦିନ ସିମ୍ ଓ ମୋବାଇଲ ବଦଳାଉଥିଲା ଅଭିଯୁକ୍ତ ।
ପଠାଣି ଓ ଅଭିଜିତ ସଂଜୟ ଗିରଫ ହେବା ପରେ ଫେରାର ହୋଇଯାଇଥିଲା ଇକବାଲ । ତେବେ ରିମାଣ୍ଡରେ ଆଣିବା ପରେ ଗୁଇନ୍ଦା ତଥ୍ୟ ଲିକ ନେଇ ମିଳିପାରେ ଅନେକ ସୂଚନା ।
