କୋରାପୁଟରୁ ବଜ୍ରକାପ୍ତା ଉଦ୍ଧାର, ୨ ଗିରଫ
1 min read
ଭୁବନେଶ୍ୱର: କୋରାପୁଟ ଉଦ୍ଧାର ହେଲା ବଜ୍ରକାପ୍ତା । କରୋପୁଟ ଫରେଷ୍ଟ ଅଞ୍ଚଳରୁ ଗୋଟିଏ ଜୀବନ୍ତ ବଜ୍ରକାପ୍ତା ଉଦ୍ଧାର କରାଯାଇଛି । କୋରାପୁଟ-ବୋରିଗୁମ୍ମା ବାଇପାସ ରାସ୍ତାରେ ବନ୍ୟପ୍ରାଣୀ ତସ୍କରୀ ବେଳେ ୨ ଜଣଙ୍କୁ ଗିରଫ କରିଛି ଏସଟିଏଫ୍ । କୋରାପୁଟ ବନବିଭାଗ ଓ ଏସଟିଏଫ ମିଳିତ ଭାବେ ଚଢାଉ କରି ୨ ଜଣଙ୍କୁ ଗିରଫ କରିଛି । ଏସଟିଏଫ ଦ୍ୱାରା ଗିରଫ ହୋଇଥିବା ଅଭିଯୁକ୍ତ ହେଉଛନ୍ତି ବିନ୍ଧାଣିଗୁଡାର ମାଧବ ପରଜା ଓ ଜଗବନ୍ଧୁ ପରଜା ।
୨୦୨୦ ମସିହାରୁ ଏପର୍ଯ୍ୟନ୍ତ ଏସଟିଏଫ୍ ୨୫ଟି ବାଘଛାଲ, ୧୩ଟି ହାତୀଦାନ୍ତ, ୭ଟି ହରିଣ ଛାଲ, ୧୧ଟି ଜୀବନ୍ତ ବଜ୍ରକାପ୍ତା ଓ ୧୬ କେଜି ବଜ୍ରକାପ୍ତା କାତି ଜବତ କରିସାରିଛି । ଏଥସହ ୫୭ ଜଣ ଜଙ୍ଗଲ ତସ୍କରଙ୍କୁ ମଧ୍ୟ ଗିରଫ କରିସାରିଲାଣି ଏସଟିଏଫ୍ ।
