୭ କେଜିର ବଜ୍ରକାପ୍ତା ଜବତ, ଜଣେ ଗିରଫ

ଭୁବନେଶ୍ୱର: ଏସଟିଏଫ୍ ପଞ୍ଝାରେ ବଜ୍ରକାପ୍ତା ଚୋରା ଚାଲାଣକାରୀ । ରେଡ୍ ବେଳେ ବରଗଡ଼-ଭେଡେନ ରୋଡର ନେଗିପାଲି ଖନ୍ସୁମେନ ଦେବୀ ମନ୍ଦିର ନିକଟରୁ ଜୀବନ୍ତ ବଜ୍ରକାପ୍ତା ମିଳିଛି । ମାମଲାରେ ଜଣଙ୍କୁ ଗିରଫ କରିଛି ସ୍ୱତନ୍ତ୍ର ଟାସ୍କ ଫୋର୍ସ । ୫ ଲକ୍ଷ ଟଙ୍କାରେ ବଜ୍ରକାପ୍ତା ବିକ୍ରି ନେଇ ଡିଲ୍ ଚାଲିଥିବା ବେଳେ କୌଣସି ସୂତ୍ରରୁ ଖବର ପାଇ ଏସଟିଏଫ୍ ରେଡ୍ କରିଥିଲା ।

ମାମଲାରେ ଏସଟିଏଫ୍ ନେଗିପାଲିର ଜଗତ ଠେଲାଙ୍କୁ ଗିରଫ କରିଛି । ଅଭିଯୁକ୍ତ ଠାରୁ ବଜ୍ରକାପ୍ତାକୁ ଉଦ୍ଧାର କରାଯିବା ସହ ଅନ୍ୟ ଜିନିଷ ଜବତ କରାଯାଇଛି । ଜବତ ବଜ୍ରକାପ୍ତାକୁ ବରଗଡ଼ ବନ ବିଭାଗକୁ ହସ୍ତାନ୍ତର କରିଛି ଏସଟିଏଫ୍ । ୨୦୨୦ ମସିହାରୁ ଏଯାବତ୍ ୨୨ଟି ବାଘ ଛାଲ, ୧୨ଟି ହାତୀ ଦାନ୍ତ, ୭ଟି ହରିଣ ଛାଲ, ୯ଟି ବଜ୍ରକାପ୍ତା ସହ ୧୫କେଜି ବଜ୍ରକାପ୍ତା କାତି ଜବତ ହୋଇଛି । ବନ୍ୟପ୍ରାଣୀ ଅପରାଧ ମାମଲାରେ ମୋଟ  ୫୨ ଜଣଙ୍କୁ ଗିରଫ କରିଛି ଏସଟିଏଫ୍ ।