ରାଜସ୍ଥାନରୁ ହାର୍ଡକୋର ଡ୍ରଗ୍ସ ମାଫିଆ ସେକ୍ ଆଜବାହାର ଗିରଫ
ଭୁବନେଶ୍ୱର: ଆନ୍ତଃରାଜ୍ୟ ଡ୍ରଗ୍ସ ମାଫିଆ ସେକ୍ ଆଜବାହାର ଗିରଫ । ରାଜସ୍ଥାନରୁ ଆଜବାହାରକୁ ଗିରଫ କରିଛି ଏସଟିଏଫ୍ । ଯୋଧପୁର କମିଶନରେଟ ପୋଲିସ ସହାୟତାରେ ଏସଟିଏଫ ଏସ.କେ. ଆଜବାହାର ଗିରଫ କରିଛି । ଏସଟିଏଫର ମୋଷ୍ଟ ୱାଣ୍ଟେଡ ତାଲିକାରେ ଥିଲା ଆଜବାହାର । ଗତ ଅଗଷ୍ଟ ମାସ ୧୪ ତାରିଖରେ ବ୍ରାଉନସୁଗର ମାମଲାରେ ୨ ଜଣ ଗିରଫ ହୋଇଥିଲେ । ୨ ଅଭିଯୁକ୍ତଙ୍କ ଠାରୁ ଆଜବାହାର ସମ୍ପର୍କରେ ସୁରାକ ମିଳିଥିଲା ।
ଦୀର୍ଘଦିନ ଧରି ଆଜବାହାର ଲୁଚକାଳି ଖେଳି ଚାଲିଥିଲା । କେତେବେଳେ ପଶ୍ଚିମବଙ୍ଗ ତ ଆଉ କେତେବେଳେ ରାଜସ୍ଥାନରେ ଆତ୍ମଗୋପନ କରୁଥିଲା । ଆଜବାହାର ନାଁରେ ରହିଛି ଓଡ଼ିଶାରେ ୫ଟି ମାମଲା ରହିଛି । ଗିରଫ ପରେ ଯୋଧପୁରରୁ ଆଜବାହାରକୁ ଟ୍ରାନଜିଟ୍ ରିମାଣ୍ଡରେ ଆଣୁଛି ଏସଟିଏଫ୍ । ସେକ ରାଜାର ସହଯୋଗୀ ଥିଲା ସେକ ଆଜବାହାର । ଜଳେଶ୍ୱର, ବାଲେଶ୍ୱର, ଭୁବନେଶ୍ୱର ଓ ପଶ୍ଚିମବଙ୍ଗରେ କରୁଥିଲା କାରବାର । ପଶ୍ଚିମବଙ୍ଗ ଲାଲଗୋଲାରୁ ବ୍ରାଉନସୁଗର ଆଣି ଓଡ଼ିଶାରେ ବିକ୍ରି କରୁଥିଲା ।
