ଜୋତା ବା ସାଣ୍ଡାଲ, ଯାହା ସଭିଙ୍କ ଦୈନ ଦିନର ଏକ ଆବଶ୍ୟକତା । ଥରେ ଭାବନ୍ତୁ ହଳେ ଜୋତାର ଦାମ୍ ସର୍ବାଧିକ କେତେ ହୋଇପାରେ? ସର୍ବାଧିକ ୧,୦୦୦, ୫,୦୦୦ କି ୧୦,୦୦୦ ଟଙ୍କା। ହେଲେ ଏଠାରେ ଯେଉଁ ଜୋତା ବା ସାଣ୍ଡାଲ ବିଷୟରେ କହୁଛି ତାହାର ଦାମ ଶୁଣିଲେ ଯେକେହି ଆଶ୍ଚର୍ଯ୍ୟ ହେବେ । ଆଜ୍ଞା ହଁ ଗୋଟିଏ ପେୟାର୍ ଜୋତା ବା ସାଣ୍ଡାଲ ୧.୭୭ କୋଟି ଟଙ୍କାରେ ବିକ୍ରି ହୋଇଛି । ଏହା କୌଣସି ନୂଆ କିମ୍ବା ହୀରା ଖଚିତ ଜୋତା ନୁହେଁ । ଏହା ଏକ ପୁରୁଣା ପେୟାର ସାଣ୍ଡାଲ ।
ବିଶ୍ୱାସ ହେଉ ନ ଥିଲେ ବି ଏହା ସତ। ଏବେ ନିଟକରେ ଆଣ୍ଡ୍ରଏଡ୍ ଫୋନ୍ କମ୍ପାନୀ ତଥା ଆପଲର ସହପ୍ରତିଷ୍ଠାତା ଷ୍ଟିଭ୍ ଜବ୍ସଙ୍କ ସାଣ୍ଡାଲ୍ ୧.୭୭ କୋଟି ଟଙ୍କା ବା ୨,୧୮,୭୫୦ ଡଲାରରେ ନିଲାମ ହୋଇଛି। ଆମେରିକାର କାଲିଫର୍ନିଆ ସ୍ଥିତ ଜୁଲିଏନ୍ ଅକ୍ସନ୍ ହାଉସ୍ରେ ନିଲାମ ପାଇଁ ଜୋବ୍ସଙ୍କ ବିରକେନ୍ ଷ୍ଟୋକ୍ ସାଣ୍ଡାଲ ରଖାଯାଇଥିଲା। ଏହାର ନିଲାମୀ ମୂଲ୍ୟ ୬୦,୦୦୦ ଡଲାରରୁ ୮୦,୦୦୦ ଡଲାର ଧାର୍ଯ୍ୟ କରାଯାଇଥିଲା।
ହେଲେ ଏହି ନିଲାମୀ ରେ ସାମିଲ ଥିବା ଜଣେ ବ୍ୟକ୍ତି ଷ୍ଟିଭ୍ଙ୍କ ବ୍ୟବହୃତ ଚପଲକୁ ୨,୧୮,୭୫୦ ଡଲାରରେ ନିଲାମୀ ଡାକି ଏହାର ହକ୍ଦାର ହୋଇଛନ୍ତି। ୧୯୭୦ ଦଶକରେ ଅନେକ ଦିନ ପର୍ଯ୍ୟନ୍ତ ଷ୍ଟିଭ୍ ଏହି ଚପଲ ପିନ୍ଧୁଥିଲେ। ଆପଣ ଜାଣିଲେ ଆଶ୍ଚର୍ଯ୍ୟ ହେବେ , ଆପଲ କମ୍ପାନୀର ଅନେକ କାର୍ଯ୍ୟକ୍ରମରେ ଷ୍ଟିଭ୍ ଏହି ସାଣ୍ଡେଲ ପିନ୍ଧିଆସୁଥିଲେ ବୋଲି ଅକ୍ସନ ହାଉସ୍ ପକ୍ଷରୁ କୁହାଯାଇଛି। ଷ୍ଟିଭ୍ଙ୍କ ହାଉସ୍ ମ୍ୟାନେଜର ପୂର୍ବରୁ ହିଁ ଏହି ଚପଲକୁ ନିଲାମୀ ଜରିଆରେ ଅଧିକାର କରିଥିଲେ। ଆହୁରି ମଧ୍ୟ ପରେ ଏକାଧିକ ପ୍ରଦର୍ଶନୀରେ ଷ୍ଟିଭ୍ଙ୍କ ଏହି ଚପଲକୁ ସାମିଲ କରାଯାଇଛି। ମାଟିଆ ରଙ୍ଗର ବିରକେନ୍ ଷ୍ଟୋକ୍ ସାଣ୍ଡାଲ ଷ୍ଟିଭ୍ଙ୍କର ଅତି ପ୍ରିୟ ଥିବା ତାଙ୍କ ପୂର୍ବତନ ସ୍ତ୍ରୀ ଲିସା ବ୍ରାନନ ଜବ୍ସ କହିଛନ୍ତି।
