ସାବତ ମାଆ କାଟି ଦେଲା ୯ ବର୍ଷର ଝିଅର ଗାଲ

ବାଲିଗୁଡ଼ା: ମାଆ ଡାକରେ କଳଙ୍କ ସାଜିଲା ସାବତ ମାଆ । ସ୍ନେହ, ଭଲ ପାଇବା ଭୁଲି ସାବତ ଝିଅକୁ ଦେଲା ଯନ୍ତ୍ରଣା । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କନ୍ଧମାଳ ଜିଲ୍ଲା ବାଲିଗୁଡ଼ା ଥାନା କାମ୍ପଡ଼ା ଗାଁରେ । ୯ ବର୍ଷର ଝିଅର ଗାଲକୁ ବ୍ଲେଡ୍ରେ ସାବତ ମାଆ କାଟି ଦେଇଥିବା ଅଭିଯୋଗ ହୋଇଛି । ଖବରପାଇ ଘଟଣାସ୍ଥଳରେ ଚାଇଲ୍ଡ ଲାଇନ୍ ଟିମ୍ ପହଞ୍ଚି ନାବାଳିକାଙ୍କୁ ଉଦ୍ଧାର କରି ଥାନାରେ ଅଭିଯୋଗ କରିଛି ।

ସୂଚନା ଅନୁସାରେ କାମ୍ପଡ଼ା ଗାଁର ଦିଲୀପ ଦିଗାଲ ପ୍ରଥମ ପତ୍ନୀଙ୍କ ଦେହାନ୍ତ ପରେ ଦ୍ୱିତୀୟ ବିବାହ କରିଥିଲେ । ପ୍ରଥମ ପତ୍ନୀଙ୍କ ୯ ବର୍ଷର ଝିଅଟିଏ ରହିଛି । ଗତକାଲି ପ୍ରଥମ ପତ୍ନୀଙ୍କ ଝିଅ ଓ ଦ୍ୱିତୀୟ ପତ୍ନୀଙ୍କ ପୁଅ ମଧ୍ୟରେ କୌଣସି କାରଣରୁ ଝଗଡ଼ା ଲାଗିଥିଲା । ଏଥିରେ ଉତକ୍ଷିପ୍ତ ହୋଇ ଝିଅର ଗାଲକୁ ସାବତ ମାଆ ପାର୍ବତୀ ବ୍ଲେଡରେ କାଟି ଦେଇଥିବା ଅଭିଯୋଗ ହୋଇଛି ।