ଉପନିର୍ବାଚନ ସମ୍ପର୍କିତ ପୂର୍ଣ୍ଣାଙ୍ଗ ବିବରଣୀ ରଖିଲେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ

ଭୁବନେଶ୍ୱର: ରାଜ୍ୟରେ ୨ଟି ବିଧାନସଭା ଆସନରେ ହେଉଥିବା ଉପନିର୍ବାଚନ ଶାନ୍ତି ଶୃଙ୍ଖଳାରେ ସମ୍ପନ୍ନ ହୋଇଛି । ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ(ସିଇଓ) ସୁଶୀଲ କୁମାର ଲୋହାନୀ ବୁଧବାର ଉପନିର୍ବାଚନ ସମ୍ପର୍କିତ ପୂର୍ଣ୍ଣାଙ୍ଗ ବିବରଣୀ ରଖିଛନ୍ତି । ୨ଟି ଆସନରେ ଭୋଟଦାନ ପ୍ରକ୍ରିୟା ସରିବା ପରେ ଭୋଟ ପ୍ରତିଶତ ନେଇ ଗଣମାଧ୍ୟମକୁ ଅବଗତ କରାଯାଇଛି ।
ବାଲେଶ୍ୱର ସଦର ଆସନରେ ୭୦.୬୯ ପ୍ରତିଶତ ମତଦାନ ହୋଇଛି । ସେହିପରି ଏହି ଆସନରେ ୧୬୯୩ ଜଣ ପୋଷ୍ଟାଲ ବାଲଟ୍ ରେ ମତଦାନ ଦେଇଛନ୍ତି । ଅନୁରୂପଭାବେ ତିର୍ତ୍ତୋଲରେ ୬୯.୬୬ ପ୍ରତିଶତ ମତଦାନ ରେକର୍ଡ କରାଯାଇଛି । ଏହି ଆସନରେ ୧୦୪ ଜଣ କୋଭିଡ ସଂକ୍ରମିତ ମତଦାନ କରିଛନ୍ତି । ସେହିଭଳି ୩୧୯୩ ଜଣ ପୋଷ୍ଟାଲ ବାଲଟ ମାଧ୍ୟମରେ ଭୋଟ ଦେଇଛନ୍ତି ।