କଟକରେ ରାଜ୍ୟ ସିନିୟର କୁସ୍ତି ପ୍ରତିଯୋଗିତା ଉଦଘାଟିତ, ଭାଗ ନେଇଛନ୍ତି ୧୫୦ ଖେଳାଳି

କଟକ: କଟକ ବାରବାଟୀ ଷ୍ଟାଡିୟମ କ୍ଲବ ହାଉସ ପରିସରରେ ଆରମ୍ଭ ହୋଇଛି ରାଜ୍ୟ ସିନିୟର କୁସ୍ତି ପ୍ରତିଯୋଗିତା। ଓଡିଶା କୁସ୍ତି ସଂଘ ଆନୁକୂଲ୍ୟରେ ଆୟୋଜିତ ଏହି ଚାମ୍ପିଅନସିପରେ ରାଜ୍ୟର ବିଭିନ୍ନ ଜିଲ୍ଲାର ୧୫୦ କୁସ୍ତି ଖେଳାଳି ଭାଗ ନେଇଛନ୍ତି। ଦୁଇ ଦିନ ଧରି ଚାଲିବାକୁ ଥିବା ଏହି ପ୍ରତିଯୋଗିତାରେ ସିନିୟର, ଜୁନିୟର, ସବଜୁନିୟର ଓ କ୍ୟାଡେଟ୍ ବର୍ଗରେ ପ୍ରତିଦ୍ବନ୍ଦିତା ହେବାକୁ ଯାଉଛି।

ଏହି କୁସ୍ତି ପ୍ରତିଯୋଗିତାରୁ ଜାତୀୟ ପ୍ରତିଯୋଗିତା ପାଇଁ ଓଡିଶା ସିନିୟର, ଜୁନିୟର, ସବଜୁନିୟର ଓ କ୍ୟାଡେଟ୍ ଟିମ୍ ଚୟନ କରାଯିବ। ପରେ ସେମାନଙ୍କ ପାଇଁ ପ୍ରଶିକ୍ଷଣ ଶିବିର ଆୟୋଜନ କରାଯାଇ ସେମାନଙ୍କୁ ଜାତୀୟ ପ୍ରତିଯୋଗିତାକୁ ପଠାଯିବ ବୋଲି ଜଣାପଡିଛି।