ପୁରୀ-କୋଣାର୍କରେ ଆରମ୍ଭ ହେବ ମୋ ବସ୍ ସେବା, ରାଜଧାନୀରୁ ୨ଟି ରୁଟରେ ଗଡ଼ିବ ବସ୍…..

ଭୁବନେଶ୍ୱର: ରାଜ୍ୟ ସରକାରଙ୍କର ମୋ ବସ୍ ସେବା ଏବେ ପୁରୀ ଓ କୋଣାର୍କରେ ଉପଲବଧ ହେବ । ରାଜଧାନୀ ଭୁବନେଶ୍ୱରରୁ ପ୍ରତ୍ୟେହ ମୋ ବସ୍ ପୁରୀ ଓ କୋଣାର୍କ ଅଭିମୁଖେ ଯାତ୍ରା କରିବ । ଆସନ୍ତା ୨୭ ତାରିଖ ପର୍ଯ୍ୟଟନ ଦିବସ ହୋଇଥିବା ହେତୁ ସରକାର ଏହି ଦିନ ମୋ ବସ୍ ସେବା ସଂପୃକ୍ତ ସ୍ଥାନକୁ ଆରମ୍ଭ କରିବେ । ରାଜ୍ୟର ପ୍ରମୁଖ ପର୍ଯ୍ୟଟନ ସ୍ଥଳୀ ଭାବେ ପରିଚିତ ଶ୍ରୀକ୍ଷେତ୍ର ଧାମ ପୁରୀ ଓ ସୂର୍ଯ୍ୟକ୍ଷେତ୍ର କୋଣାର୍କକୁ ଏଯାବତ ମୋ ବସ ସେବା ଆରମ୍ଭ ହୋଇନାହିଁ ।

ପ୍ରତ୍ୟେହ ହଜାର ହଜାର ସଂଖ୍ୟାରେ ଲୋକେ ଏହ ଦୁଇଟି ସ୍ଥାନକୁ ବୁଲିବାକୁ ଯାଇଥାନ୍ତି । ତେଣୁ ସରକାର ସାଧାରଣର ଦାବି ଓ ଗମନାଗମନକୁ ସରଳ କରିବା ପାଇଁ ଏଭଳି ପଦକ୍ଷେପ ନେଇଛନ୍ତି ବୋଲି କ୍ରୁଟି ପରିଚାଳନା ନିର୍ଦ୍ଦେଶକ ଅରୁଣ ବ୍ରୋଥା ସୂଚନା ଦେଇଛନ୍ତି । ବିଶେଷ ଭାବେ ୨ଟି ରୁଟରେ ଏହି ବସ୍ ସେବା ଆରମ୍ଭ ହେବ । ଭୁବନେଶ୍ୱରରୁ ପୁରୀ ଓ କୋଣାର୍କ ଯିବା ପାଇଁ ୭୦ ଟଙ୍କାର ଭଡା ଧାର୍ଯ୍ୟ କରାଯାଇଛି  । କେବଳ ମାସ୍କ ପିନ୍ଧିଥିବା ଯାତ୍ରୀ ବସରେ ଯାତ୍ରା କରିପାରିବେ ବୋଲି କ୍ରୁଟ୍ ପକ୍ଷରୁ ସୂଚନା ଦିଆଯାଇଛି  ।