ଆସିକାର ସର୍ବପୂରାତନ ଚିନି କାରଖାନା ପରିଦର୍ଶନ କଲେ ରାଜ୍ୟ ଶ୍ରମମନ୍ତ୍ରୀ ଶ୍ରୀକାନ୍ତ ସାହୁ

ଗଞ୍ଜାମ: ଆସିକାରେ ଥିବା ସର୍ବପୂରାତନ ଚିନି କାରଖାନା ପରିଦର୍ଶନ କଲେ ରାଜ୍ୟ ଶ୍ରମମନ୍ତ୍ରୀ ଶ୍ରୀକାନ୍ତ ସାହୁ । ଚିନିଶିଳ୍ପ ବୁଲି ଦେଖିବା ସହ କାରଖାନାର ସଭାଗୃହରେ ଅଧିକାରୀ, ସ୍ଥାନୀୟ ବିଧାୟକ ଓ ବୁଦ୍ଧିଜୀବୀଙ୍କ ସହ ଆଲୋଚନା କରିଛନ୍ତି । କାରଖାନାର ବିକାଶ ଓ ଆଖୁ ଚାଷୀଙ୍କ ଆର୍ଥୀକ ଉନ୍ନତି ଓ ଶ୍ରମିକଙ୍କ ସମସ୍ୟା ନେଇ ଏଥିରେ ଆଲୋଚନା ହୋଇଥିଲା ।

କାରଖାନାରେ ବିଭିନ୍ନ ସମସ୍ୟା ଯୋଗୁଁ ଆଖୁଚାଷରୁ ଚାଷୀ ମୁହଁ ଫେରାଉଛନ୍ତି । ଚାଷୀଙ୍କୁ ପ୍ରୋତ୍ସାହନ ଦେବା ସହ ଚାଷପ୍ରତି କିପରି ପୁଣି ଆକୃଷ୍ଟ କରାଯିବ ସେନେଇ ଏହି ବୈଠକରେ ଆଲୋଚନା ହୋଇଛି । କ୍ଷତିରେ ଚାଲିଥିବା ଏସିଆ ମହାଦେଶର ସର୍ବବୃହତ୍ତମ ଆସିକା ଚିନି ଶିଳ୍ପକୁ ପୂନର୍ବାର ଲାଭଦାୟକ ଶିଳ୍ପରେ ପରିଣତ କରିବା ନେଇ ଗୁରୁତ୍ବ ଦିଆଯାଇଛି । ମନ୍ତ୍ରୀଙ୍କ ଗସ୍ତ ପରେ ଚିନିଶିଳ୍ପର ଭବିଷ୍ୟତ ନେଇ ପୁଣି ଆଶା ବାନ୍ଧିଛନ୍ତି ସ୍ଥାନୀୟ ଲୋକେ ।