ପ୍ରବାସୀଙ୍କ ପାଇଁ ଖର୍ଚ୍ଚ ହେବ ରାଜ୍ୟ ବିପର୍ଯ୍ୟୟ ପ୍ରଶମନ ପାଣ୍ଠି

ନୂଆଦିଲ୍ଲୀ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଆତ୍ମନିର୍ଭର ଭାରତ ପ୍ୟାକେଜ୍ ସହାୟତା ଘୋଷଣା କରିଛନ୍ତି । ଗତକାଲି ଉଦ୍ୟୋଗ ଜଗତ ପାଇଁ ଘୋଷଣା କରିଥିବା ବେଳେ ଆଜି ଗ୍ରାମୀଣ, ପ୍ରବାସୀ, କୃଷକ ଓ ଉଠା ଦୋକାନୀଙ୍କ ପାଇଁ ସହାୟତା ଘୋଷଣା କରିଛନ୍ତି । ଲକଡାଉନ୍ ଯୋଗୁଁ ପ୍ରବାସୀ ବିଭିନ୍ନ ରାଜ୍ୟରେ ଫସି ରହିଛନ୍ତି । ଏହା ଉପରେ ଗୁରୁତ୍ୱ ଦେଇଛନ୍ତି ନିର୍ମଳା ।

ପ୍ରବାସୀଙ୍କ ପାଇଁ ସେଲ୍ଟର ହୋମ୍ ସହ ଖାଦ୍ୟ ଓ ପାନୀୟ ଯୋଗାଇ ଦେବା ପାଇଁ ରାଜ୍ୟ ଗୁଡ଼ିକ SDRF ବା ରାଜ୍ୟ ବିପର୍ଯ୍ୟୟ ପ୍ରଶମନ ପାଣ୍ଠି ବ୍ୟବହାର କରିବାକୁ କେନ୍ଦ୍ର ସରକାର ଅନୁମତି ପ୍ରଦାନ କରିଛନ୍ତି । ଏଥିସହ କେନ୍ଦ୍ର ସରକାର ୧୧୦୦୨ କୋଟିର ଅନୁଦାନ ଏପ୍ରିଲ ୩ ତାରିଖ ସୁଦ୍ଧା ସମସ୍ତ ରାଜ୍ୟର SDRFକୁ ପ୍ରଦାନ କରିଛନ୍ତି ।

MSME ପାଇଁ ପ୍ରଧାନମନ୍ତ୍ରୀ ମୋଦିଙ୍କ ସ୍ୱତନ୍ତ୍ର ଆର୍ଥିକ ପ୍ୟାକେଜ୍ ଘୋଷଣା

ସହରାଞ୍ଚଳରେ ରହୁଥିବା ବାସହୀନଙ୍କୁ ଦୈନିକ ୩ ଥର ଖାଇବା ମାର୍ଚ୍ଚ ୨୮ରୁ ଦିଆଯାଉଛି । ସ୍ୱୟଂ ସହାୟକ ଗୋଷ୍ଠୀ ବା SHG ପାଇଁ ସାରା ଦେଶରେ PAiSA ପୋର୍ଟାଲ କାର୍ଯ୍ୟକାରୀ କରାଯାଇଥିବା କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସୂଚନା ଦେଇଛନ୍ତି ।