ଫିଲ୍ମ ଏବଂ ଟିଭି ସିରିଜ ସୁଟିଂରୁ ହଟିଲା ରୋକ୍, ସୁଟିଂ ପାଇଁ ଜାରି ହେଲା SOP
ଭୁବନେଶ୍ୱର: କରୋନା ସଂକ୍ରମଣ ଭିତରେ କେଉଁଭଳି ଭାବେ ପିଲ୍ମ, ଟିଭି ସିରିଏଲ ଏବଂ ଓଟିଟି ସିରିଜର ସୁଟିଂ ହେବ ତାକୁ ନେଇ ଓଡ଼ିଶା ସରକାରଙ୍କ ପକ୍ଷରୁ ଏସ୍ଓପି ଜାର ହୋଇଛି । ଏହି ଏସ୍ଓପି ଇନ୍ ଡୋର ଏବଂ ଆଉଟ୍ ଡୋର ପାଇଁ ଲାଗୁ ହେବ । ଏସ୍ଓପିରେ କେତେ ସଂଖ୍ୟକ ବ୍ୟକ୍ତିଙ୍କୁ ନେଇ ସୁଟିଂ ଓ ପୋଷ୍ଟ ପ୍ରଡକ୍ସନ କରାଯିବ ସେ ସମ୍ପର୍କରେ ସୂଚନା ଦିଆଯାଇଛି । ସୁଟିଂ ସେଟ୍ରେ ସାମାଜିକ ଦୂରତା ଓ ସାନିଟାଇଜେସନ ନିୟମକୁ ପାଳନ କରିବା ପାଇଁ ଏଥିରେ ଗୁରତ୍ୱ ଦିଆଯାଇଛି । ସହଯୋଗୀ ଓ କର୍ମଚାରୀଙ୍କୁ କୋଭିଡ ୧୯ ବିପଦ ସମ୍ପର୍କରେ ସଚେତନ କରାଇବା ପ୍ରଡକ୍ସନ ହାଉସର ଦାୟୀତ୍ୱ ହେବ ।
ଗୋଟିଏ ଟ୍ରଲରରେ ଏକ ସମୟରେ ୫ ଜଣ ବ୍ୟକ୍ତିଙ୍କୁ ଏସ୍ଓପିରେ ବାରଣ କରାଯାଇଛି। ଟ୍ରଲରର କବାଟ ଓ ଝରକା ଖୋଲା ରଖିବା ପାଇଁ କୁହହାଯାଇଛି । ଷ୍ଟୁଡିଓ ପରିସରରେ ସୁଟିଂ କରିବା ବେଳେ କୋଭିଡ ପୂର୍ବରୁ ଯେତିକି ସଂଖ୍ୟକ କ୍ର୍ୟୁ ନେଇ ସୁଟିଂ କରାଯାଉଥିଲା ତାର ୩୦ ପ୍ରତିଶର କ୍ର୍ୟୁ ନେଇ ସୁଟିଂ କରାଯିବ। ତେବେ ଏହି ନିୟମ ଫିଲ୍ମ କିମ୍ବା ସିରିଏଲର ମୁଖ୍ୟ କଳାକାରଙ୍କ କ୍ଷେତ୍ରରେ ଲାଗୁ ହେବ ନାହିଁ । ସୁଟିଂ ପାଇଁ ଗଲାବେଳେ ସାଙ୍ଗରେ ପରିଚୟପତ୍ର ନେବେ । ଆରୋଗ୍ୟ ସେତୁ ନିଜ ଫୋନରେ ଇନଷ୍ଟଲ କରିବେ। ପ୍ରଡକ୍ସନ ହାଉସ ଭିଡ଼ ନିୟନ୍ତ୍ରଣ କରିବେ।
ନିର୍ଦ୍ଧିଷ୍ଟ ବ୍ୟକ୍ତିଙ୍କୁ ଗେଟ୍ ଓ କବାଟ ଖୋଲିବା ଦାୟିତ୍ୱ ଦିଆଯିବ । ପ୍ରତି ସୁଟିଂ ସେଟରେ ୱାସ ରୂମ ରହିବ ଏବଂ ପ୍ରତି ଘଣ୍ଟାରେ ଥରେ ସଫା କରାଯିବ । କୌଣସି ବ୍ୟକ୍ତି ଯଦି ସୁଟିଂ କାଳରେ କରୋନ ପଜିଟିଭ ଜଣାପଡ଼େ ତେବେ ତାଙ୍କୁ ଚିକିତ୍ସା ସୁବିଧା ଯୋଗାଇ ଦିଆଯିବ । ସୁଟିଂ ସେଟ୍କୁ ପ୍ରବେଶ ବେଳେ ତାପମାତ୍ରା ଜାଞ୍ଚ କରାଯିବ । ୩୭.୦୩ ଡ଼ିଗ୍ର ସେଲସିୟସରୁ ଅଧିକ ହୋଇଥିଲେ ତାଙ୍କୁ ଘରକୁ ଫେରାଇ ଦିଆଯିବ । ଏହା ସହ ପ୍ରତି ସୁଟିଂ ସେଟ୍ରେ ଶରୀରରେ ଅମ୍ଳଜାନ ମାପିବା ପାଇଁ ଅକ୍ସି ମିଟର ରଖିବା ଆବଶ୍ୟକ ।
ଫିଲ୍ମ କିମ୍ବା ସିରିଏଲର କାଷ୍ଟିଂ ପାଇଁ ସ୍କାଇପି, ଫେସ୍ଟାଇମ, ଜୁମ୍ ଭଳି ଆପର ବ୍ୟବହାର କରିବାକୁ ପରାମର୍ଶ ଦିଆଯାଇଛି । ସୁଟିଂ ସେଟ୍ରେ ବ୍ୟବହାର ହେଉଥିବା ଉପକରଣରକୁ ନିର୍ଦ୍ଧିଷ୍ଟ ବ୍ୟକ୍ତି ଛଇଁ ପାରିବେ । ଉପକରଣକରୁ ସାନିଟାଇଜ କରିବା ପାଇଁ ଆବଶ୍ୟକ ସାମଗ୍ରି ରହିବ ।
ଲକଡାଉନ ପରିବେଶ ମଧ୍ୟରେ ସୁଟିଂ କରାଯିବ । ଯେମିତି କି ଅଧିକା ଲୋକ ଏକାଠି ନହେବେ । ସୁଟିଂ କାଳରେ ସର୍ବନିମ୍ନ ଶାରୀରିକ ସମ୍ପର୍କ ଓ ସାମାଜିକ ଦୂରତା ଯେମିତି ବଜାୟ ରହେ ତାହା ଦୃଷ୍ଟିରେ ରଖିବାକୁ ପଡ଼ିବ ।
