ଭୁବନେଶ୍ୱର: ଜଗନ୍ନାଥଙ୍କ ଜମା ଟଙ୍କା ନେଇ କେନ୍ଦ୍ର ସରକାରଙ୍କୁ ଚିଠି । ୟେସ୍ ବ୍ୟାଙ୍କରେ ଶ୍ରୀମନ୍ଦିରର ଗଚ୍ଛିତ ଥିବା ୫୪୫ କୋଟି ଟଙ୍କା ପାଇଁ ରାଜ୍ୟ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖିଛନ୍ତି ।
ହିନ୍ଦୁ ଆସ୍ଥା ସହିତ ଜଡ଼ିତ ଜଗନ୍ନାଥ ମନ୍ଦିରର କର୍ପସ୍ ଫଣ୍ଡକୁ ୟେସ୍ ବ୍ୟାଙ୍କର ପୁରୀ ଶାଖାରେ ଜମା ରଖାଯାଇଛି । ମିଆଦି ଜମା ଚଳିତ ମାସରେ ମାଚ୍ୟୁରିଟି ହେଉଛି । ତେବେ, ବ୍ୟାଙ୍କର ସଙ୍କଟ ଅବସ୍ଥାକୁ ନେଇ ଆରବିଆଇ ଜମା ଟଙ୍କା ଉଠାଣ ଉପରେ ପ୍ରତିବନ୍ଧକ ଲଗାଇଛି ।
ଏହା ଉପରେ ହସ୍ତକ୍ଷେପ କରି ବ୍ୟାଙ୍କରୁ ଟଙ୍କାକୁ ସୁରକ୍ଷିତ ଉଠାଣ ପାଇଁ ପଦେକ୍ଷପ ନେବାକୁ ଅନୁରୋଧ କରିଛନ୍ତି ଅର୍ଥମନ୍ତ୍ରୀ । ଶ୍ରୀମନ୍ଦିରର ଜମା ଟଙ୍କା ଉଠାଣ ପାଇଁ କେନ୍ଦ୍ର ସରକାର, ଆରବିଆଇକୁ ନିର୍ଦ୍ଦେଶ ଦେବାକୁ ନିରଞ୍ଜନ ପୂଜାରୀ ଚିଠି ଲେଖିଛନ୍ତି ।
ୟେସ୍ ବ୍ୟାଙ୍କରେ ଥିବା ଜଗନ୍ନାଥଙ୍କ ଜମା ଟଙ୍କା ଉଠାଣ ପାଇଁ ରାଜ୍ୟ ଲୋଡ଼ିଲା କେନ୍ଦ୍ରର ହସ୍ତକ୍ଷେପ
