ଆଜି ରାଜ୍ୟରେ ସୁସ୍ଥ ହେଲେ ୧୬୪

ରାଜ୍ୟରେ ପ୍ରତ୍ୟହ କରୋନା ସଂକ୍ରମିତଙ୍କ ସଂଖ୍ୟା ବଢୁଛି । ତେବେ ଏହା କେବଳ ରାଜ୍ୟର ନୁହେଁ ସାରା ଦେଶର ସ୍ଥିତି । ଅପରପାର୍ଶ୍ୱରେ ରାଜ୍ୟ ସରକାରଙ୍କ ସଠିକ କରୋନା ମୁକାବିଲା ହେତୁ ରାଜ୍ୟରେ ସୁସ୍ଥଙ୍କ ସଂଖ୍ୟା କ୍ରମାଗତ ଭାବେ ବଢୁଛି । ପ୍ରତିଦିନ ବହୁସଂଖ୍ୟକ ସଂକ୍ରମିତ ସୁସ୍ଥ ହେବାର ସୂଚନା ମିଳୁଛି । ତେବେ ଆଜି ୧୬୪ ଜଣ କରୋନା ରୋଗୀ ସୁସ୍ଥ ହୋଇ ଘରକୁ ଫେରିଛନ୍ତି ।

ଏମାନଙ୍କ ମଧ୍ୟରେ ଗଞ୍ଜାମ ଜିଲ୍ଲାର ସର୍ବାଧିକ ୪୮ଜଣ ରହିଥିବା ବେଳେ ଜଗତସିଂହପୁରର ୩୧, ବାଲେଶ୍ୱରର ୨୬, କଟକ ୨୫, ଯାଜପୁର ୧୨, ଖୋର୍ଦ୍ଧା ୧୨, କେନ୍ଦ୍ରାପଡା ଓ ସୁନ୍ଦରଗଡରୁ ୩ଜଣ ଲେଖାଏଁ, କେନ୍ଦୁଝରରୁ ୨ଜଣ ଓ ଭଦ୍ରକ ଓ ନୟାଗଡରୁ ଜଣେ ଲେଖାଏଁ ବ୍ୟକ୍ତି ସୁସ୍ଥ ହୋଇ ଫେରିଛନ୍ତି ।