ମୁଖ୍ୟ ଶାସନ ସଚିବଙ୍କ ରେଳବାଇ ବୋର୍ଡ ଅଧ୍ୟକ୍ଷଙ୍କୁ ଚିଠି, ଜାଣନ୍ତୁ କ’ଣ ରଖିଲେ ଦାବି…..

ରାଜ୍ୟକୁ ରେଳ ଚଳାଚଳ କମାଇବା ପାଇଁ ମୁଖ୍ୟ ଶାସନ ସଚିବ ଅସୀତ ତ୍ରିପାଠୀ ରେଳବାଇ ବୋର୍ଡ ଅଧ୍ୟକ୍ଷଙ୍କୁ ଚିଠି ଲେଖିଛନ୍ତି । ରାଜ୍ୟରେ କରୋନା ସ୍ଥିତି ସଙ୍କଟାପର୍ଣ୍ଣ ହୋଇଥିବା ହେତୁ ଯେତେ କମ୍ ସଂଖ୍ୟକ ଟ୍ରେନ ରାଜ୍ୟକୁ ଆସିବ ସେତେ ଭଲ ବୋଲି ସେ ମତ ରଖିଛନ୍ତି । ଆସନ୍ତା ୩୧ ଜୁଲାଇ ପର୍ଯ୍ୟନ୍ତ କମ୍ ସଂଖ୍ୟକ ଟ୍ରେନ ରାଜ୍ୟକୁ ଆସୁ ବୋଲି ଚିଠିରେ ଦାବି କରାଯାଇଛି ।

ସେହିଭଳି ଟ୍ରେନ ଯଥାସମ୍ଭବ କମ୍ ଷ୍ଟେସନରେ ରହୁ ଓ ନୂଆ ଟ୍ରେନକୁ ରାଜ୍ୟରେ ରହିବାକୁ ଦିଆ ନଯାଉ ବୋଲି ମୁଖ୍ୟ ଶାସନ ସଚିବ କହିଛନ୍ତି  । ବିଶେଷ ଭାବେ ହାଓ୍ୱଡା-ଚେନ୍ନାଇ ଟ୍ରେନ ଏକ ଜନବହୁଳ ଷ୍ଟେସନ ହୋଇଥିବା ହେତୁ ଏହା ସୀମିତ ଷ୍ଟେସନରେ ରହୁ ବୋଲି ମଧ୍ୟ ଚିଠିରେ ଉଲ୍ଲେଖ ରହିଛି । ଏହି ଟ୍ରେନ ବାଲେଶ୍ୱର, ଭଦ୍ରକ ଓ କଟକ ଷ୍ଟେସନରେ ରହିବା ସହ ଅନ୍ୟତମ ରୁଟରେ ଭୁବନେଶ୍ୱର, ବ୍ରହ୍ମପୁର ଓ ଖୋର୍ଦ୍ଧା ରୋଡରେ ରହୁ । ଏହାବ୍ୟତୀତ ଅନ୍ୟ କୌଣସି ଷ୍ଟେସନରେ ଏହି ଟ୍ରେନରେ ନରହୁ ବୋଲି ଅସୀତ ତ୍ରିପାଠୀ ଚିଠିରେ ଉଲ୍ଲେଖ କରିଛନ୍ତି ।