ସନ୍ଧ୍ୟାରେ କ୍ୟାବିନେଟ, ୧୦ ପ୍ରସ୍ତାବକୁ ମିଳିବ ମଞ୍ଜୁରୀ

ଭୁବନେଶ୍ୱର: ଆଜି ରାଜ୍ୟ କ୍ୟାବିନେଟ ବୈଠକ । ସଂଧ୍ୟା ୬ଟା ୪୫ରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିବ କ୍ୟାବିନେଟ ବୈଠକ । ସୂଚନା ଅନୁଯାୟୀ ବୈଠକରେ ୧୦ଟି ପ୍ରସ୍ତାବକୁ ମିଳିବ ମଞ୍ଜୁରୀ । ଫୁଲବାଣୀ ଓ କୋରାପୁଟ ମେଡିକାଲ କଲେଜ ପାଇଁ ହଜାରେ କୋଟିର ଟେଣ୍ଡର ପ୍ରସ୍ତାବକୁ ମଧ୍ୟ ଆଜିର କ୍ୟାବିନେଟରେ ମଞ୍ଜୁରୀ ମିଳିବା ନେଇ ନିଷ୍ପତି ହୋଇଛି ।

ସଂନ୍ଧ୍ୟାରେ ବସିବାକୁ ଥିବା ବୈଠକରେ ୧୦ଟି ପ୍ରସ୍ତାବକୁ ମଞ୍ଜୁରୀ ମିଳିବା ସହ ଅନେକ ଗୁରୁତ୍ୱପୂର୍ଣ୍ଣ ଦିଗ ଉପରେ ମଧ୍ୟ ହୋଇପାରେ ଆଲୋଚନା । ସେପଟେ ୧୦ଟି ପ୍ରସ୍ତାବ ମଧ୍ୟରୁ ବରଗଡ଼ରେ ୨ଟି ପାନୀୟ ଜଳ ପ୍ରକଳ୍ପକୁ ମଞ୍ଜୁରୀ ମିଳିବ । ଏଥିସହ ଗୃହ, ସାଧାରଣ ପ୍ରଶାସନ ଓ ଜଳ ସମ୍ପଦ ବିଭାଗର କେତେକ ପ୍ରସ୍ତାବକୁ ମଧ୍ୟ ବୈଠକରେ ମଞ୍ଜୁରୀ ମିଳିବା ନେଇ ନିଷ୍ପତି ହୋଇଛି ।