ମହିଳା ସୁରକ୍ଷା ଉପରେ ରାଜ୍ୟ ବିଜେପିର ମନ୍ତବ୍ୟ ହାସ୍ୟାସ୍ପଦ, ପୁଣି ଥରେ ମିଛ କହି ଅପମାନିତ ହୋଇଛି ବିଜେପି

ଭୁବନେଶ୍ୱର: ମହିଳା ସୁରକ୍ଷା ଉପରେ ରାଜ୍ୟ ବିଜେପିର ମନ୍ତବ୍ୟ ହାସ୍ୟାସ୍ପଦ । ମହିଳାଙ୍କ ସୁରକ୍ଷା ପାଇଁ ସମ୍ମାନ ଉପରେ ବିଜେପି ନେତା ମନଗଢ଼ା କଥା କହିଛିନ୍ତି । ରାଜ୍ୟ ବିଜେପି ମିଛ କହି ପୁଣି ଅପମାନିତ ହୋଇଛି । ବିଜେଡି ମହିଳାଙ୍କୁ ସବୁବେଳେ ସମ୍ମାନ ଦିଏ । ମହିଳାଙ୍କୁ ମା’ ଭଳି ସମ୍ମାନ ଦିଏ ବିଜେଡି । ଦିଲ୍ଲୀର ଜନ୍ତରମନ୍ତରରେ କୁସ୍ତି ଯୋଦ୍ଧା ଧାରଣା ଦେଇଥିବା ବେଳେ ରାଜ୍ୟ ବିଜେପି ସେମାନଙ୍କ କଥା କେବେ ଚିନ୍ତା କରିଛି କି ? ଉତ୍ତରପ୍ରଦେଶର ବିଜେପି ସାଂସଦ ବ୍ରିଜ ଭୂଷଣଙ୍କ ବିରୋଧରେ ସାଂଘାତିକ ଅଭିଯୋଗ ସତ୍ତ୍ୱେ ପୋଲିସ ମାମଲା ରୁଜୁ କରୁନଥିଲା । ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଦିଲ୍ଲୀ ପୋଲିସ ମାମଲା ରୁଜୁ କରିଛି । ବିଜେପି ମହିଳାଙ୍କୁ ନେଇ କିଛି କହୁଥିବା ବେଳେ ଜନ୍ତରମନ୍ତରରେ ଧାରଣାରେ ବସିଥିବା ମହିଳାଙ୍କ ବିଷୟରେ ମୁହଁ ବନ୍ଦ କାହିଁକି କରିଛି ବୋଲି ବିଜେଡି ପ୍ରଶ୍ନ କରିଛି । ବିଜେଡି ମୁଖପାତ୍ର ଇପ୍ସିତା ସାହୁ ଆଜି ସାମ୍ବାଦିକ ସମ୍ମିଳନୀ କରି ବିଜେପି ଉପରେ ପ୍ରବଳ ବର୍ଷିଛନ୍ତି ।