କଟକ ସଭାରେ ପ୍ରଧାନମନ୍ତ୍ରୀଙ୍କ ମୁହଁରେ ଓଡ଼ିଶାବାସୀଙ୍କୁ ମିଛ କୁହାଇଲା ରାଜ୍ୟ ବିଜେପି

କଟକ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମୁହଁରେ ଓଡ଼ିଶା ସମ୍ପର୍କରେ ମିଛ ପ୍ରଚାର । ରାଜ୍ୟ ବିଜେପି ପ୍ରଧାନମନ୍ତ୍ରୀଙ୍କ ମୁହଁରେ ଓଡ଼ିଶାବାସୀଙ୍କୁ ମିଛ କୁହାଇଛନ୍ତି । କଟକରେ ପ୍ରଚାର ବେଳେ ରାଜ୍ଯ ସରକାରଙ୍କ ସମାଲୋଚନା କରିବାକୁ ଯାଇ କହିଲେ କଟକ ନଦୀ ଅବବାହିକାରେ ଅବସ୍ଥିତ । କିନ୍ତୁ କଟକବାସୀ ସ୍ବଚ୍ଛ ପାନୀୟ ଜଳ ପାଇବାରୁ ବଞ୍ଚିତ । ତେବେ ମୋଦିଙ୍କୁ ଏକଥା ଜାଣି ନାହାନ୍ତି, କଟକବାସୀଙ୍କ ପାନୀୟ ଜଳ ଯୋଗାଣ ପାଇଁ ରାଜ୍ଯ ସରକାର କ’ଣ କରିଛନ୍ତି ? ପ୍ରକୃତ କଥା ହେଲା ପ୍ରଧାନମନ୍ତ୍ରୀଙ୍କ ମୁହଁରେ ରାଜ୍ୟ ବିଜେପି ଏହି ମିଛ କୁହାଇଛି ।

ଗୋଟିଏ ପଟେ କାଠଯୋଡ଼ି ଅନ୍ଯପଟେ ମହାନଦୀ । ମଝିରେ ରାଜ୍ଯରେ ପୁରୁଣା ରାଜଧାନୀ କଟକ । ରାଜ୍ଯ ସରକାରଙ୍କ ପକ୍ଷରୁ ଜନସାଧାରଣଙ୍କ ଜଳ ଯୋଗାଣ ପାଇଁ ହୋଇଛି ଅନେକ ଯୋଜନା । CDA ୧୩ରେ ନିର୍ମାଣ ହୋଇଛି ୱାଟର ଟ୍ରିଟମେଣ୍ଟ ପ୍ଲାଣ୍ଟ । ଏହି ପ୍ଲାଣ୍ଟ ହେବା ପଛର ମୁଖ୍ୟ କାରଣ ହେଉଛି ସିଏମସି ବାସିନ୍ଦା କିଭଳି ଶୁଦ୍ଧ ପାନୀୟ ଜଳ ପାଇବେ । ପ୍ଲାଣ୍ଟରୁ ଆସୁଥିବା ଶତକଡା ୭୦ ଭାଗ ସୁଦ୍ଧ ପାଣି ସହରବାସୀଙ୍କୁ ମିଳୁଛି । କିନ୍ତୁ ପ୍ରଧାନମନ୍ତ୍ରୀ କଟକ ନିର୍ବାଚନ ପ୍ରଚାରରେ ଆସି କିଛି ନ ବୁଝି ମିଛ କହିଗଲେ । ଲୋକଙ୍କୁ ପ୍ରଭାବିତ କରିବାକୁ ଜନ ସମାବେଶରେ ପ୍ରଧାନମନ୍ତ୍ରୀଙ୍କ ଏପରି ମିଛି ଭାଷଣ ଦୁର୍ଭାଗ୍ଯଜନକ ବୋଲି କହିଛନ୍ତି କଟକ ମେୟର ସୁବାସ ସିଂ ।

ରାଜ୍ଯ ସରକାରଙ୍କ ଅମୃତ ଯୋଜନାରେ ପ୍ରତି ଘରକୁ ଯୋଗାଇ ଦିଆଯାଉଛି ଶୁଦ୍ଧ ପାନୀୟ ଜଳ । ଦିନକୁ ଦିନ ଭୂତଳ ଜଳସ୍ତର କମୁଥିବାରୁ ଏହାକୁ ଦୃଷ୍ଟିରେ ରଖି CDA ୱାଟର ଟ୍ରିଟମେଣ୍ଟ ପ୍ଲାଣ୍ଟ ତିଆରି କରାଗଲା । ପୁରୀ, ଭୁବନେଶ୍ୱର ପରେ କଟକରେ ଶତକଡା ୭୦ ଭାଗ ଘରେ ପାଇପ ଯୋଗେ ପାଣି ପହଞ୍ଚିଛି । ଆଉ ୨ ମାସ ଭିତରେ ସମ୍ପୂର୍ଣ୍ଣ ସହରକୁ ମିଳିବ ଜଳ । କିନ୍ତୁ ପ୍ରଧାନମନ୍ତ୍ରୀ ଓ କେନ୍ଦ୍ରରୁ ଆସୁଥିବା ମନ୍ତ୍ରୀ କିଛି ନଜାଣି ଏପରି କହିବା ନିତାନ୍ତ ନିନ୍ଦନୀୟ । କଟକବାସୀ ଏହାର ନିଶ୍ଚିତ ଜବାବ ଦେବେ ବୋଲି କହିଛନ୍ତି ବୁଦ୍ଧିଜୀବୀ ।