ଆଜିଠୁ ଏସିଆ କପ, ପାକିସ୍ତାନ-ନେପାଳ ମୁକାବିଲା
1 min read
ନୂଆଦିଲ୍ଲୀ: ଆଜିଠୁ ଏସିଆ କପ୍ । ଉଦ୍ଘାଟନୀ ମ୍ୟାଚ୍ରେ ମୁହାଁମୁହିଁ ହେବେ ପାକିସ୍ତାନ-ନେପାଳ । ଏଥର ଏସିଆ କପ୍ ଆୟୋଜନ ଅଧିକାର ପାକିସ୍ତାନକୁ ମିଳିଥିଲା । କିନ୍ତୁ ଭାରତ ପାକିସ୍ତାନ ଯିବାକୁ ମନା କରିବାରୁ ଶ୍ରୀଲଙ୍କା ଏହାର ସହ ଆୟୋଜକ ହୋଇଛି । ପାକିସ୍ତାନରେ କେବଳ ୪ଟି ମ୍ୟାଚ୍ ଖେଳାଯିବାକୁ ଥିବା ବେଳେ, ବାକି ମ୍ୟାଚ ଶ୍ରୀଲଙ୍କାରେ ଖେଳାଯିବ । ଭାରତ ସର୍ବାଧିକ ୭ ଥରର ବିଜେତା ରହିଛି । ଅଷ୍ଟମ ଟାଇଟଲ୍ ଲକ୍ଷ୍ୟରେ ରହିଛି ଭାରତ । ଆସନ୍ତା ୨ ତାରିଖରେ ପାକିସ୍ତାନ ବିପକ୍ଷରେ ଅଭିଯାନ ଆରମ୍ଭ କରିବ ଟିମ୍ ଇଣ୍ଡିଆ । ପାକିସ୍ତାନ ବିପକ୍ଷ ମ୍ୟାଚ୍ରେ ଟିମ୍ ଇଲେଭେନ କିଏ ହେବେ ତାକୁ ନେଇ ଚିନ୍ତାରେ ଭାରତ । କେଏଲ ରାହୁଲ, ଶ୍ରେୟସ ଆୟର, ଯଶପ୍ରୀତ୍ ବୁମ୍ରା ଓ ପ୍ରସିଦ୍ଧ କୃଷ୍ଣଙ୍କ ଉପରେ ଦଳ ଧ୍ୟାନ ଦେବ। ୫୦ ଓଭର ପାଇଁ ଏମାନେ କେତେ ଫିଟ୍ ହୋଇଛନ୍ତି ତାହା ଏସିଆ କପ୍ରେ ଜଣାପଡ଼ିବ। ଭାରତ-ପାକିସ୍ତାନ ମ୍ୟାଚ୍ ଉପରେ ସାରା ବିଶ୍ବ ନଜର ରଖିଛି।
