ଷ୍ଟାର୍ କ୍ୟାମ୍ପେନରଙ୍କ ପ୍ରଚାରରେ ଦୁଲୁକିବ ପଦମପୁର

ପଦମପୁର: ପଦମପୁର ବ୍ୟାଟଲ ପ୍ରସ୍ତୁତ । ନେତା ଓ ପ୍ରାର୍ଥୀ ସମର୍ଥକଙ୍କ ସହ ପ୍ରଚାରକୁ କରିଛନ୍ତି ଜୋରଦାର । ଏବେ ଆହୁରି ଜୋରଦାର ହେବ ପଦମପୁର ନିର୍ବାଚନୀ ମୈଦାନରେ ପ୍ରଚାର ଯୁଦ୍ଧ । କାରଣ ପଦମପୁର ପ୍ରଚାରକୁ ଓହ୍ଲାଉଛନ୍ତି ଷ୍ଟା କ୍ୟାମ୍ପେନର ।

ପ୍ରଚାରରେ ଦମ ଭରିବେ ଷ୍ଟାର କ୍ୟାମ୍ପେନର । ପଦମପୁର ଉପନିର୍ବାଚନ ପାଇଁ ଆଜିଠୁ ମଇଦାନକୁ ଓହ୍ଲାଇବେ ତାରକା ପ୍ରଚାରକ । ଗତକାଲି ୩ ଦଳର ଷ୍ଟାର ପ୍ରଚାରକ ତାଲିକା ପ୍ରକାଶ ପାଇବା ପରେ ଆହୁରି ସରଗରମ ହୋଇଛି ପଦମପୁର ଉପନିର୍ବାଚନ । ବିଜେଡି ପ୍ରାର୍ଥୀ ବର୍ଷା ସିଂ ବରିହା ପ୍ରତି ଓ୍ବାର୍ଡରେ ବୁଲି ଜନ ସମର୍ଥନ ସାଉଁଟୁଛନ୍ତି । ବାପା ଛାଡ଼ି ଯାଇଥିବା କାମକୁ ଆଗକୁ ନେବାର ପ୍ରତିଶ୍ରୁତି ଦେଇ କରୁଛନ୍ତି ଭୋଟ ଭିକ୍ଷା । ସ୍ବର୍ଗତ ବିଜୟ ରଞ୍ଜନ ସିଂ ବରିହାଙ୍କ ପରେ ଝିଅ ବର୍ଷାଙ୍କ ପ୍ରତି ଜନସମର୍ଥନ ବଢୁଥିବା ଦେଖିବାକୁ ମିଳିଛି । ଗାଁ ଗାଁରେ ବର୍ଷାଙ୍କୁ ଲୋକେ କୁଣ୍ଢାଇ ଭୋଟ ଦେବାର ପ୍ରତିଶ୍ରୁତ ଦେଉଛନ୍ତି । ସେହିପରି ବିଜେପି ନିଜର ସ୍ଥିତିକୁ ମଜବୁତ କରିବାକୁ ଜୋରଦାର ଉଦ୍ୟମ କରୁଛି  । କଂଗ୍ରେସ ପ୍ରାର୍ଥୀ ମଧ୍ୟ ଲୋକଙ୍କ ସହ  ମିଶି ଭୋଟ ମାଗୁଛନ୍ତି ।