୨୫ ଟଙ୍କାରେ ପିଆଜ ବିକୁଥିଲେ ସରକାର, ଏମିତି ହେଲା ଅବସ୍ଥା

ଅମରାବତୀ: ପିଆଜ ଦରକୁ ନେଇ ଦେଶ ସାରା ଆକ୍ରୋଶ, ପ୍ରତିବାଦ । ଜନତାଙ୍କ ରୋଶକୁ ପ୍ରତିହତ ପାଇଁ ଆନ୍ଧ୍ରପ୍ରଦେଶ ସରକାର ପଦକ୍ଷେପ ନେଇଥିଲେ । କେଜି ପିଛା ୨୫ ଟଙ୍କାରେ ପିଆଜ ବିକ୍ରି ପାଇଁ ଘୋଷଣା କରିଥିଲେ । ସେହି ଅନୁଯାୟୀ ବିଜୟାନଗରମରେ ସରକାରଙ୍କ କୃଷି ଓ ବଜାର ବିଭାଗ ପକ୍ଷରୁ ପିଆଜ ବିକ୍ରି ହେଉଥିଲା ।ବଜାରରେ ପିଆଜ ଦର ୧୦୦ ଟଙ୍କା ଉପରେ ଥିବାରୁ ଲୋକଙ୍କ ପ୍ରବଳ ଗହଳି ଦେଖିବାକୁ ମିଳିଥିଲା । ଭିଡ଼ ଏତେ ଥିଲା ଯେ, ଲୋକଙ୍କୁ ସ୍ଥାନୀୟ ପ୍ରଶାସନ ନିୟନ୍ତ୍ରଣ କରିପାରି ନଥିଲା । ଫଳରେ ସେଠାର ଦଳାଚକଟା ହୋଇଛି । ଦଳାଚକଟାରେ କିଛି ଲୋକ ଆହତ ମଧ୍ୟ ହୋଇଛନ୍ତି । ପ୍ରଶାସନ ପକ୍ଷରୁ ପିଆଜ ବିକ୍ରିକୁ ବର୍ତ୍ତମାନ ପାଇଁ ବନ୍ଦ କରି ଦିଆଯାଇଛି ।

https://nandighoshatv.comnirmalas-new-onion-theory-over-price-hike/