ପୁରୀରେ ଛୁରାମାଡ଼ ଘଟଣା, ୩ ଅଭିଯୁକ୍ତଙ୍କୁ ଗିରଫ କଲା ପୋଲିସ

ପୁରୀ: ପୁରୀରେ ଗୁଳିମାଡ଼ ପରେ ଛୁରା ମାଡ଼ ଘଟଣା । ଏହି ଘଟଣାରେ ପୋଲିସ ମୁଖ୍ୟ ଅଭିଯୁକ୍ତ ସହ ୩ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ହେଲେ ଦିପୁ ବେହେରା, ବାବୁନା ଭୋଇ ଓ ଶିବୁନା ପାତ୍ର । ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ଛୁରା ମାଡ଼ ହୋଇଥିବା କହିଛନ୍ତି ପୁରୀ ଏସପି କେ.ଭିଶାଲ ସିଂ । ତେବେ ଗିରଫ ହୋଇଥିବା ୩ ଜଣଙ୍କୁ ଆଜି କୋର୍ଟ ଚାଲାଣ କରାଯିବା ବୋଲି ସୂଚନା ମିଳିଛି ।

ସୂଚନା ଅନୁସାରେ ଗତକାଲି ରାତିରେ ବଳଗଣ୍ଡି ଛକ ନିକଟରେ ଛୁରାମାଡ଼ରେ ସତ୍ୟନାରାୟଣ ତ୍ରିପାଠୀ ଗୁରତର ଆହତ ହୋଇଥିଲେ । ପରେ ସତ୍ୟଙ୍କୁ ପୁରୀ ସଦର ଡାକ୍ତରଖାନାରୁ ଅଧିକ ଚିକତ୍ସା ପାଇଁ କଟକ ସ୍ଥାନାନ୍ତର କରାଯାଇଥିଲା । ଏହି ଘଟଣା ପରେ କୁମ୍ଭାରପଡା ଥାନା ପକ୍ଷରୁ ତଦନ୍ତ ଆରମ୍ଭ ହୋଇଥିଲା ।