PTCର ପଞ୍ଜୀକରଣ ଓ ନବୀକରଣ ଆବେଦନରକୁ ସ୍ୱୀକୃତି ଦେଇପାରିବ ଆଞ୍ଚଳିକ ପରିବହନ କେନ୍ଦ୍ର
1 min read
ଭୁବନେଶ୍ୱର: ଏଣିକି ପ୍ରଦୂଷଣ ପରୀକ୍ଷଣ କେନ୍ଦ୍ରର ପଞ୍ଜୀକରଣ ଓ ନବୀକରଣ ଆବେଦନକୁ ସ୍ୱୀକୃତି ଦେଇପାରିବେ ଆଞ୍ଚଳିକ ପରିବହନ କେନ୍ଦ୍ର । OMV ଆକ୍ଟ (୧୯୯୩) ୧୨୯-A ଅନୁଯାୟୀ ଏହି କ୍ଷମତା ଆଞ୍ଚଳିକ ପରିବହନ କେନ୍ଦ୍ରକୁ ଦିଆଯାଇଛି ।
ରାଜ୍ୟ ସରକାରଙ୍କ 5-t ନୀତି ଅଧିନରେ ଏଭଳି ନିଷ୍ପତ୍ତି ନିଆଯାଇଛି । ପ୍ରଦୂଷଣ ପରୀକ୍ଷଣ କେନ୍ଦ୍ରର ପଞ୍ଜୀକରଣ ଓ ନବୀକରଣ ଆବେଦନକୁ ଅଧିକ ସହଜରେ ସ୍ୱୀକୃତି ପ୍ରଦାନ ଓ ସେବାକୁ ଆହୁରି ସୁଖଦ କରିବା ଉଦ୍ଦେଶ୍ୟରେ ଏହି ନିଷ୍ପତ୍ତି ନିଆଯାଇଛି । ଏହି ନିୟମ କାର୍ଯ୍ୟକାରୀ ହେବା ପରେ ଏଣିକି ଆଞ୍ଚଳିକ ପରିବହନ କେନ୍ଦ୍ର ପକ୍ଷରୁ ଏହି ସ୍ୱୀକୃତି ପ୍ରଦାନ କରାଯାଇପାରିବ ।
ଏଥିସହିତ ଆବେଦନକାରୀ https://parivahan.gov.in/parivahan/ ମାଧ୍ୟମରେ ଆବଶ୍ୟକୀୟ ପ୍ରମାଣ ପତ୍ରକୁ ଏହି ପୋର୍ଟାଲରେ ଅପଲୋଡ୍ କରିବା ସହ ଧାର୍ଯ୍ୟ ଫି’ ପ୍ରଦାନ କରିବେ । ଏବଂ ସ୍ୱୀକୃତି ମିଳିବା ପରେ ପ୍ରଦୂଷଣ ପରୀକ୍ଷଣ କେନ୍ଦ୍ର ସ୍ୱୀକୃତି ପତ୍ର ମଧ୍ୟ ଡାଉନଲୋଡ୍ କରିପାରିବେ ।
