ଆଉ ପାଦେ ଆଗେଇଲା ମିଶନ ଚନ୍ଦ୍ରଯାନ, ମଧ୍ୟରାତ୍ରୀରେ ପୃଥିବୀ ଛାଡ଼ିଲା ଚନ୍ଦ୍ରଯାନ-୩

ନୂଆଦିଲ୍ଲୀ :  ପୃଥିବୀ ଛାଡ଼ିଲା ଚନ୍ଦ୍ରଯାନ-୩ । ପୃଥିବୀ କକ୍ଷରୁ ଚନ୍ଦ୍ର କକ୍ଷକୁ ପଠାଇବା ପାଇଁ ଗତକାଲି ରାତି ୧୨ରୁ ଗୋଟାଏ ମଧ୍ୟରେ ଥ୍ରଷ୍ଟ ଇଞ୍ଜିନ ଚାଲୁ କରାଯାଇଥିଲା । ମଧ୍ୟରାତ୍ରୀରେ ଟ୍ରାନ୍ସ ଲୁନାର ଇଞ୍ଜେକସନ ପ୍ରକ୍ରିୟା ସରିଥିଲା । ଏଥିପାଇଁ ୨୮ରୁ ୩୧ ମିନିଟ ସମୟ ଲାଗିଥିଲା ।

ଏହି ସମୟରେ ଥ୍ରଷ୍ଟ ଇଞ୍ଜିନକୁ ଫାୟାର କରାଯାଇଥିଲା । ଚନ୍ଦ୍ରଯାନ-୩ ପୃଥିବୀର ଅତି ନିକଟରେ ଅର୍ଥାତ ନିକଟତମ ବିନ୍ଦୁ ପେରିଗୀରେ ପହଞ୍ଚିବା ପରେ ଇଞ୍ଜିନକୁ ଫାୟାର କରାଯାଯାଇଥିଲା । ତାର ୬ ସାତ ଘଣ୍ଟା ପୂର୍ବରୁ ଥ୍ରଷ୍ଟ ଇଞ୍ଜିନ ଷ୍ଟାର୍ଟ କରି ଗତିକୁ ବୃଦ୍ଧି କରାଯାଇଥାଏ । ଚନ୍ଦ୍ରଯାନ-୩ ପୃଥିବୀ ଛାଡ଼ିବା ସହିତ ପୁଣି ଆରମ୍ଭ ହୋଇଛି କାଉଣ୍ଟ ଡାଉନ । ଆଉ ମାତ୍ର ୫ ଦିନ ପରେ ଚନ୍ଦ୍ରର କକ୍ଷରେ ପହଞ୍ଚିବ ଚନ୍ଦ୍ରଯାନ-୩ ।