ଇସ୍ତଫା ଦେଲେ ଗୋଟାବାୟା

କଲମ୍ବୋ: ଶେଷରେ ଇସ୍ତଫା ଦେଲେ ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ରାଜପକ୍ଷେ । ମାଳଦ୍ବୀପରୁ ଯାଇ ସିଙ୍ଗାପୁରରେ ପହଞ୍ଚିବା ପରେ ସେ ଦେଇଛନ୍ତି ଇସ୍ତଫା । ଗୋଟାବାୟା ଇସ୍ତଫା ଦେବା ପରେ ଲୋକେ ବାଣ ଫୁଟାଇବା ସହ ନାଚକୁଦ କରି ଖୁସି ମନାଇଛନ୍ତି । ଗୋଟାବାୟାଙ୍କ ଇସ୍ତଫା ନେଇ ସୂଚନା ଦେଇଛନ୍ତି ବାଚସ୍ପତି । ଫଳରେ ଶ୍ରୀଲଙ୍କାରେ ରାଷ୍ଟ୍ରପତିଙ୍କ ଇସ୍ତଫା ନେଇ ଚାଲିଥିବା ସସପେନ୍ସର ଅବସାନ ଘଟିଛି ।

ସେପଟେ ସିଙ୍ଗାପୁର ସରକାର କହିଛନ୍ତି ଗୋଟାବାୟଙ୍କ ସିଙ୍ଗାପୁର ଗସ୍ତ ସମ୍ପୂର୍ଣ୍ଣ ବ୍ୟକ୍ତିଗତ । ସରକାରଙ୍କ ସହ ଏହାର ସମ୍ପର୍କ ନାହିଁ । ସେ ଶରଣପ୍ରାର୍ଥୀ ହେବା ଲାଗି ଆବେଦନ କରି ନଥିବା କହିଚନ୍ତି ସିଙ୍ଗାପୁର ସରକାର । ଦେଶରେ ଆନ୍ଦୋଳନ, ଅରାଜକତା ତୀବ୍ର ହେଉଥିବା ପରିପ୍ରେକ୍ଷୀରେ ଦେଶ ଛାଡ଼ି ପଳାୟନ କରିଥିଲେ ରାଜପକ୍ଷେ । ତାଙ୍କ ପଳାୟନ ପରେ ରାଷ୍ଟ୍ରପତି ଭବନରେ ହଜାର ହଜାର ଆନ୍ଦୋଳନକାରୀ ପ୍ରବେଶ କରି ହଙ୍ଗାମା ସୃଷ୍ଟି କରିଥିଲେ ।