ଇସ୍ତଫା ଦେଲେ ଶ୍ରୀଲଙ୍କା ପ୍ରଧାନମନ୍ତ୍ରୀ ରାନିଲ୍ ବିକ୍ରମସିଂଘେ

ନୂଆଦିଲ୍ଲୀ: ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ରାଜପକ୍ଷେଙ୍କ ବାସଭବନ ଉପରେ କବଜା କରିଛନ୍ତି ଉତ୍ୟକ୍ତ ଜନସାଧାରଣ । ଏଭଳି ସମୟରେ ଇସ୍ତଫା ଦେଇଛନ୍ତି ପ୍ରଧାନମନ୍ତ୍ରୀ ରାନିଲ୍। ଏପରିକି ସେ ସବୁ ଦଳଙ୍କ ସହ ମିଶି ସରକାର ଗଢିବାକୁ ପ୍ରସ୍ତୁତ ଥିବା ସୂଚନା ମିଳିବା ପରେ  ।

ବିରୋଧୀ ଦଳ ନେତା ସଜିଥ୍ ପ୍ରେମଦାସ ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କ ଇସ୍ତଫା ଦାବି କରିବା ପରେ ଏଭଳି ଖବର ସାମ୍ନାକୁ ଆସିଛି । ଖାଲି ଏତିକି ନୁହେଁ ଇସ୍ତଫା ଚାପ ବଢିବାରୁ ପ୍ରଧାନମନ୍ତ୍ରୀ ଗୋଟୋବାୟା ଶନିବାର ଦିନ ଜରୁରୀ ବୈଠକ ଡାକିଥିଲେ । ଏପରିକି ସଂସଦ ଅଧିବେଶନ ଡକାଇବା ଲାଗି ବାଚସ୍ପତିଙ୍କୁ ଅପିଲ୍ କରିଛନ୍ତି ପ୍ରଧାନମନ୍ତ୍ରୀ।

To ensure the continuation of the Government including the safety of all citizens I accept the best recommendation of the Party Leaders today, to make way for an All-Party Government.

To facilitate this I will resign as Prime Minister.

— Ranil Wickremesinghe (@RW_UNP) July 9, 2022

ନିଜ ପଦରୁ ଇସ୍ତଫା ଦେବା ସହ ଟ୍ୱିଟ୍ କରି ପ୍ରଧାନମନ୍ତ୍ରୀ ରାନିଲ୍ କହିଛନ୍ତି ଯେ, ଆଜି ଦଳୀୟ ନେତାଙ୍କ ବୈଠକରେ ଜନତାଙ୍କ ସୁରକ୍ଷା ସହ ସରକାରଙ୍କ ନୀରନ୍ତରତାକୁ ସୁନିଶ୍ଚିତ କରିବା ପାଇଁ ସର୍ବଦଳୀୟ ସରକାର ଗଠନ ଲାଗି ନିଷ୍ପତ୍ତି ହୋଇଛି । ଏହି ନିଷ୍ପତ୍ତିକୁ କାର୍ଯ୍ୟକାରୀ ପାଇଁ ମୁଁ ଇସ୍ତଫା ଦେଉଛି ।

ଉଲ୍ଲେଖଯୋଗ୍ୟ, ଶ୍ରୀଲଙ୍କା ଏବେବି ଜାରି ରହିଛି ବିକ୍ଷୋଭ ପ୍ରଦର୍ଶନ। ଦେଶରେ ଏଭଳି ସଙ୍କଟ ଭିତରେ ପଳାୟନ କରିଛନ୍ତି ରାଷ୍ଟ୍ରପତି ଗୋଟାବାୟା । ସ୍ଥିତି ଏଭଳି ଯେ କଲୋମ୍ବୋରେ ରାଷ୍ଟ୍ରପତିଙ୍କ ବାସଭବନରେ ଧସେଇ ପଶିଥିଲେ ବିକ୍ଷୋଭକାରୀ । ଦେଖୁ ଦେଖୁ ପୂରା ବାସଭବନକୁ କବଜା କରିନେଇଥିଲେ ବିକ୍ଷୋଭକାରୀ । ଯାହାର ଭିଡ଼ିଓ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି । ଯେଉଁଥିରେ ସୁଇମିଂ ପୁଲରେ ଲୋକମାନେ ଗାଧୋଉଥିବାର ନଜର ଆସିଛି । କେହି କେହି ରୋଷେଇ ଘରେ ପଶି ଖାଉଥିବା ବେଳେ ଆଉ କେହି ବେଡରୁମରେ ପଶି ନାଚୁଛନ୍ତି ।