ବିରୋଧ ପ୍ରଦର୍ଶନକାରୀଙ୍କୁ ଗୁଳି କରିବାକୁ ନିର୍ଦ୍ଦେଶ ଦେଲା ଶ୍ରୀଲଙ୍କାର ପ୍ରତିରକ୍ଷା ମନ୍ତ୍ରଣାଳୟ
କଲମ୍ବୋ: ଜଳୁଛି ଶ୍ରୀଲଙ୍କା । ସବୁଠି ବିରୋଧ ଅସନ୍ତୋଷ ଓ ହିଂସାକାଣ୍ଡ । ଗୁରୁତର ଆର୍ଥିକ ସଙ୍କଟର ସାମ୍ନା କରୁଥିବା ସିଂହଳ ରାଷ୍ଟ୍ରରେ ଅଧିକରୁ ଅଧିକ ଉଗ୍ର ହେଉଛି ସରକାର ବିରୋଧୀ ଆନ୍ଦୋଳନ । ଦେଶରେ ଜାରି ହୋଇଥିବା ଜରୁରୀକାଳୀନ ପରିସ୍ଥିତିକୁ ଆସନ୍ତା କାଲି ସକାଳ ସୁଦ୍ଧା ବଢାଇ ଦିଆଯାଇଛି । ବିରୋଧ ପ୍ରଦର୍ଶନକାରୀଙ୍କୁ ଗୁଳି କରିବାକୁ ନିର୍ଦ୍ଦେଶ ଦେଇଛି ଶ୍ରୀଲଙ୍କାର ପ୍ରତିରକ୍ଷା ମନ୍ତ୍ରଣାଳୟ ।
ଦେଶର ସାମରିକ ବିଭାଗର ସ୍ଥଳ ସେନା, ଜଳ ସେନା ଓ ବାୟୁ ସେନାକୁ ଏହି ନିର୍ଦ୍ଦେଶ ଦେଇଛି ମନ୍ତ୍ରାଳୟ । ଯଦି କେହି ସର୍ବସାଧାରଣ ସମ୍ପତ୍ତିକୁ ଲୁଟୁଛି କିମ୍ୱା ହିଂସା ପ୍ରଦର୍ଶନ କରୁଛି ତେବେ ତାଙ୍କୁ ଗୁଳି କରିଦିଅ ବୋଲି ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ କୁହାଯାଇଛି । ପ୍ରଧାନମନ୍ତ୍ରୀ ପଦରୁ ମାହିନ୍ଦାଙ୍କ ଇସ୍ତଫା ପରେ ରାଷ୍ଟ୍ରପତି ଗୋଟାବାୟା ରାଜପକ୍ଷଙ୍କ ଇସ୍ତଫା ଦାବି ବି ଜୋର ହୋଇଛି । ସରକାରଙ୍କ ସମର୍ଥକ ଓ ବିରୋଧୀଙ୍କ ମଧ୍ୟରେ ରକ୍ତାକ୍ତ ସଂଘର୍ଷ ଯୋଗୁ ୮ଜଣଙ୍କ ମୃତ୍ୟୁ ହୋଇଥିବା ବେଳେ ୨ଶହରୁ ଊର୍ଦ୍ଧ୍ବ ଆହତ ହୋଇଛନ୍ତି ।
ଖାଦ୍ୟ, ଔଷଧ, ତେଲ ଓ ବିଜୁଳି ସଙ୍କଟ ଭିତରେ ସନ୍ତୁଳି ହେଉଛି ଶ୍ରୀଲଙ୍କା । କୋଇଲା ସଙ୍କଟ ଯୋଗୁ ଘଣ୍ଟା ଘଣ୍ଟା ଧରି ବିଦ୍ୟୁତ୍ କାଟ କରାଯାଉଛି । ପ୍ରଧାନମନ୍ତ୍ରୀ ପଦରୁ ମାହିନ୍ଦାଙ୍କ ଇସ୍ତଫା ପରେ ରାଷ୍ଟ୍ରପତି ଗୋଟାବାୟା ରାଜପକ୍ଷଙ୍କ ଇସ୍ତଫା ଦାବି ବି ଜୋର ହୋଇଛି । ଖାଦ୍ୟ, ଔଷଧ, ତେଲ ଓ ବିଜୁଳି ସଙ୍କଟ ଭିତରେ ସନ୍ତୁଳି ହେଉଛି ଶ୍ରୀଲଙ୍କା । କୋଇଲା ସଙ୍କଟ ଯୋଗୁ ଘଣ୍ଟା ଘଣ୍ଟା ଧରି ବିଦ୍ୟୁତ୍ କାଟ କରାଯାଉଛି
