ଶ୍ରୀକ୍ଷେତ୍ରରେ ଆଜି ହେରାପଞ୍ଚମୀ ନୀତି, ଶ୍ରୀଗୁଣ୍ଡିଚା ମନ୍ଦିରକୁ ବିଜେ କରିବେ ଲକ୍ଷ୍ମୀ ସାଆନ୍ତାଣି
![](https://nandighoshatv.com/wp-content/uploads/2024/07/hera-panchami-1024x576.jpg)
ପୁରୀ : ଆଜି ଶ୍ରୀମନ୍ଦିରରେ ଅନୁଷ୍ଠିତ ହେବ ହେରା ପଞ୍ଚମୀ ନୀତି । ମହାପ୍ରଭୁ ଜଗନ୍ନାଥ ଭାଇ ଭଉଣୀଙ୍କୁ ଧରି ଜନ୍ମ ବେଦିକୁ ଆସିଥିବାବେଳେ ସାଙ୍ଗରେ ଲକ୍ଷ୍ମୀ ସାଆନ୍ତଣିକୁ ଆଣିନାହାନ୍ତି । ଦୀର୍ଘଦିନ ଧରି ମହାପ୍ରଭୁଙ୍କ ସହ ମହାଲକ୍ଷ୍ମୀଙ୍କ ସାକ୍ଷାତ ହୋଇନାହିଁ। ଏହାକୁ ନେଇ ସେ ବିବ୍ରତ ହୋଇପଡିଛନ୍ତି । ଘୋଷଯାତ୍ରାରେ ମା ଲକ୍ଷ୍ମୀ ସାଆନ୍ତାଣିକୁ ମହାପ୍ରଭୁ ସାଙ୍ଗରେ ଆଣିନଥିବାରୁ ସେ ଅଭିମାନ କରିଛନ୍ତି। ଏଥିପାଇଁ ମହାପ୍ରଭୁଙ୍କୁ ଦର୍ଶନ କରିବାକୁ ସେ ଗୁଣ୍ଡିଚା ମନ୍ଦିର ଆସିବେ। ବିଧି ପରମ୍ପରା ପୂର୍ବକ ଆଡପ ମଣ୍ଡପରେ ବିରାଜିତ ମହାପ୍ରଭୁଙ୍କୁ ଦର୍ଶନ କରିବେ। ମହାପ୍ରଭୁଙ୍କୁ ଦର୍ଶନ କରି ଶ୍ରୀମନ୍ଦିରକୁ ଫେରିବା ବେଳେ ଅଭିମାନରେ ନନ୍ଦିଘୋଷ ରଥକୁ ଭାଙ୍ଗିବେ ମହାଲକ୍ଷ୍ମୀ। ହେରା ପଞ୍ଚମୀ ନୀତି ପାଇଁ ଭକ୍ତମାନଙ୍କ ଯଥେଷ୍ଟ ସମାଗମ ହୋଇପାରେ।