ଦ୍ରୁତ ଗତିରେ ଆଗେଇ ଚାଲିଛି ଶ୍ରୀସେତୁର ନିର୍ମାଣ କାର୍ଯ୍ୟ

ପୁରୀ: ଦ୍ରୁତ ଗତିରେ ଆଗେଇ ଚାଲିଛି ଶ୍ରୀସେତୁ ନିର୍ମାଣ କାର୍ଯ୍ୟ । ମାଳତିପାଟପୁର ବାଇପାସ ଠାରୁ ଶ୍ରୀଜଗନ୍ନାଥ ବଲ୍ଳଭ ମଠକୁ ସଂଯୋଗୀକରଣ କରୁଥିବା ଏହି ସେତୁ ନିର୍ମାଣ ନେଇ ପାଖାପାଖି ୪୦ ଏକର ଜମି ଅଧିଗ୍ରହଣ ହୋଇଛି । ଏହି ସେତୁର ଲମ୍ବ ୨.୫ କିଲୋମିଟର ରହିଛି | ଏହାଦ୍ବାରା ବହିରାଗତ ଯାତ୍ରୀ, ପର୍ଯ୍ୟଟକ ତଥା ପୁରୀ ବାସିନ୍ଦାଙ୍କ ପାଇଁ ଗମନାଗମନ ବ୍ୟବସ୍ଥା ନେଇ ବେଶ ସୁବିଧା ହୋଇପାରିବ ବୋଲି ଜଣାପଡିଛି | ସରକାରଙ୍କ ଏହି ପ୍ରକଳ୍ପ ନିର୍ମାଣକୁ ନେଇ ସାଧାରଣରେ ସ୍ବାଗତ କରାଯାଇଥିବା ବେଳେ ପ୍ରକଳ୍ପ ନିର୍ମାଣ କାର୍ଯ୍ୟକୁ ଚଳିତ ବର୍ଷ ଡିସେମ୍ବର ମଧ୍ୟରେ ଶେଷ କରାଯିବ ବୋଲି ଲକ୍ଷ୍ୟ ରଖାଯାଇଛି  ।

ବିଶ୍ବ ମାନଚିତ୍ରରେ ବିଖ୍ୟାତ ହେବ ପୁରୀ । ଯୋଗାଯୋଗର ମୁଖ୍ୟ ମାଧ୍ୟମ ସାଜିବ ଶ୍ରୀସେତୁ । ବଡ ଲକ୍ଷ୍ୟ ନେଇ ରାଜ୍ୟ ସରକାରଙ୍କ ପକ୍ଷରୁ ଜିଲ୍ଲାରେ ଜାରି ରହିଛି ଅନେକ ପ୍ରକଳ୍ପ । ସେଥିରୁ ଏକ ପ୍ରମୁଖ ପ୍ରକଳ୍ପ ହେଉଛି ପୁରୀ ଶ୍ରୀସେତୁ । ମାଳତୀପାଟପୁର ବାଇପାସ ରାସ୍ତାରୁ ଶ୍ରୀଜଗନ୍ନାଥ ବଲ୍ଳଭ ମଠ ପର୍ଯ୍ୟନ୍ତ ପ୍ରାୟ ଅଢେଇ କିଲୋମିଟର ପର୍ଯ୍ୟନ୍ତ ଏହା ସଂଯୋଗ କରିବ | ଏହି ସେତୁ ମୁଖ୍ୟତଃ ଟ୍ରମ୍ପେଡ଼ ବ୍ରିଜ ଆକାରର । ଏହି ସେତୁର ନିର୍ମାଣ କାର୍ଯ୍ୟ ଦୃତଗତିରେ  ଜାରି ରହିଛି | ଏନେଇ ୪୦ ଏକର ଜମି ଅଧିଗ୍ରହଣ କରାଯାଇଥିବା ବେଳେ ସେତୁ ନିର୍ମାଣ ପ୍ରାୟତଃ ୯୦ ପ୍ରତିଶତ ସରିଛି |  ଚଳିତ ବର୍ଷ ଡିସେମ୍ବର ସୁଦ୍ଧା ଏହି ବୃହତ ପ୍ରକଳ୍ପର ନିର୍ମାଣ କାର୍ଯ୍ୟ ଶେଷ କରିବାକୁ ଲକ୍ଷ୍ୟ ରଖାଯାଇି ।

ପ୍ରାୟ ୧୬୧ କୋଟି ଟଙ୍କାରୁ ଅଧିକ ବ୍ୟୟଅଟକଳରେ ଶୀସେତୁ ନିର୍ମାଣ କାର୍ଯ୍ୟ ଚାଲିଛି  ।  ପ୍ରକଳ୍ପ ଶେଷ ହେଲେ ପୁରୀକୁ ଆସୁଥିବା ଯାତ୍ରୀ ଓ ପର୍ଯ୍ୟଟକଙ୍କ ଯାତ୍ରା ସୁଗମ ହେବା ସହ ଟ୍ରାଫିକ ସମସ୍ୟା କମିବ ବୋଲି ଆଶା କରାଯାଉଛି | ଶ୍ରୀସେତୁ ନିକଟ ସମଙ୍ଗ ମୌଜାରେ ଏକ ପାର୍କିଙ୍ଗ ସ୍ଥଳ ନିର୍ମାଣ ହୋଇଛି | ୪୭ ଏକର ପରିମିତ ଏହି ପାର୍କିଙ୍ଗରେ ୫୦ଟି ବ୍ୟାଟେରୀ ଗାଡ଼ି, ୩୫ଟି ଇଲେଟ୍ରିକ ବସ ରହି ପାରିବ | ରଥଯାତ୍ରା, ସୁନାବେଶ ଭଳି ଯାନିଯାତ୍ରା ସମୟରେ ଗହଳିକୁ ନଜରରେ ରଖି ସହରରେ ଭାରୀଯାନ ଯାତାୟାତ ବନ୍ଦ ରଖାଯିବା ବେଳେ ଏହି ଗାଡ଼ି ଗୁଡିକ ସାହାର୍ଯ୍ୟରେ ପର୍ଯ୍ୟଟକ ମାନେ ସିଧାସଳଖ ଶ୍ରୀ ଜଗନ୍ନାଥ ପାର୍କିଙ୍ଗକୁ ଯାଇ ପାରିବେ | ସରକାରଙ୍କ ଏହି ବୃହତ ପ୍ରକଳ୍ପ ଯୋଜନାକୁ ସାଧାରଣରେ ସ୍ବାଗତ କରାଯାଇଛି  ।