ବରିଷ୍ଠ ଆଇଏଏସ୍ ଅଧିକାରୀଙ୍କ ନାଁରେ ଟଙ୍କା ମାଗୁଛନ୍ତି ସାଇବର ଠକ

ଭୁବନେଶ୍ୱର: ସାଇବର ଠକଙ୍କ ଟାର୍ଗେଟରେ ବରିଷ୍ଠ ଆଇଏଏସ ଅଫିସର । ଏସଆରସି ପ୍ରଦୀପ ଜେନାଙ୍କ ଫେସବୁକ ଆକାଉଣ୍ଟ ହ୍ୟାକ୍ କରି ଟଙ୍କା ମାଗିଲେ ସାଇବର ଠକ । ଏନେଇ ସାଇବର ଥାନାରେ ଅଭିଯୋଗ କରିଛନ୍ତି ଏସଆରସି ପ୍ରଦୀପ ଜେନା । ତାଙ୍କ ଫଟୋକୁ ବ୍ୟବହାର କରି ଅନ୍ୟ ଏକ ଆକାଉଣ୍ଟ ଖୋଲିଛନ୍ତି ଦଲାଲ୍ । ଆକାଉଣ୍ଟ ଜରିଆରେ ବିଭିନ୍ନ ଲୋକଙ୍କୁ ଟଙ୍କା ମାଗୁଛନ୍ତି ଦଲାଲ୍ । ସେହିପରି ପୁର୍ବତନ ସୂଚନା ଓ ଲୋକସଂପର୍କ ସଚିବ ଦିଗାମ୍ବର ମହାନ୍ତିଙ୍କ ଫେସବୁକ୍ ଆକାଉଣ୍ଟ ମଧ୍ୟ ହ୍ୟାକ୍ କରି ହ୍ୟାକର ଟଙ୍କା ମାଗୁଥିବା ଅଭିଯୋଗ ହୋଇଛି । ଅନ୍ୟପଟେ ଜିଲ୍ଲାପାଳ ଦିବ୍ୟଜ୍ୟୋତି ପରିଡାଙ୍କ ହ୍ବାଟସଆପ ଆକାଉଣ୍ଟ ମଧ୍ୟ ହ୍ୟାକ ହୋଇଥିବା ଅଭିଯୋଗ ହୋଇଛି ।

up in my name to possibly defraud people. You are hereby requested to not act on any such request for financial favours. I shall never request anyone for financial help. I hope, all my friends and all well wishers take note of this and in case they receive any such messages,

— Pradeep Jena IAS (@PradeepJenaIAS) July 8, 2022

ଆକାଉଣ୍ଟ ହ୍ୟାକ କରି ହସପିଟାଲ୍ ଖର୍ଚ୍ଚ ପାଇଁ ଲୁଟେରା ଟଙ୍କା ମାଗୁଥିବା ଅଭିଯୋଗ ହୋଇଛି । କାହା ନିକଟକୁ ଏପରି ମେସେଜ ଗଲେ ଟଙ୍କା ନପଠାଇ ପୋଲିସ ନିକଟରେ ଅଭିଯୋଗ କରିବାକୁ ପରାମର୍ଶ ଦିଆଯାଇଛି । ଏସଆରସି ପ୍ରଦୀପ ଜେନା ଟ୍ୱିଟ କରି ଲୋକମାନଙ୍କୁ ଏପରି ମେସେଜର ଉତ୍ତର ନଦେବାକୁ କହିଛନ୍ତି  । ସେହିପରି ଏକ ହ୍ୱାଟ୍ସଆପ ଆକାଉଣ୍ଟ ଡିପିରେ ତାଙ୍କ ଫଟୋ ଦିଆଯାଇ ଅର୍ଥ ମଗାଯାଉଛି  । ଏପଟେ ସାଇବର ପୋଲିସ ମମଲା ରୁଜୁ ଠକଙ୍କୁ ଟ୍ରେସ କରିବା ପାଇଁ ଉଦ୍ୟମ କରୁଛି  ।