ଜାଗର ଯାତ୍ରାରେ କଟକଣା; ମନ୍ଦିରରେ ରହିବନି ଭିଡ, ଅବମାନନା କଲେ କାର୍ଯ୍ୟାନୁଷ୍ଠାନ

1 min read

ଭୁବନେଶ୍ବର: ଆସନ୍ତା ୧୧ ତାରିଖରେ ମହାଶିବରାତ୍ରୀ ଜାଗର । ଜାଗର ପୂର୍ବରୁ ସ୍ବତନ୍ତ୍ର ରିଲିଫ କମିଶନର ଜାରି କରିଛନ୍ତି ନିର୍ଦ୍ଦେଶନାମା । ଜାଗର ଭିଡକୁ ଦୃଷ୍ଟିରେ ରଖି ଏହି ଗାଇଡଲାଇନରେ କୋଭିଡ କଟକଣାକୁ ପାଳନ କରାଯିବାକୁ ନିର୍ଦ୍ଦେଶ ରହିଛି ।

ରାଜ୍ୟର ସମସ୍ତ ଶିବ ମନ୍ଦିରରେ ଜାଗର ଅବସରରେ ଭିଡ ରୁହେ । ହଜାର ହଜାର ଶ୍ରଦ୍ଧାଳୁ ଉଜାଗର ରହି ଜାଗର ଜାଳନ୍ତି । ତେଣୁ କୋଭିଡ ସ୍ଥିତିରେ ଜାଗର ପାଳନ ଉପରେ ଲାଗିଛି କଟକଣା । ମନ୍ଦିର କିମ୍ବା ମନ୍ଦିର ବାହାରେ ଗହଳି ନଜମାଇବା ପାଇଁ ଗାଇଡଲାଇନରେ ଉଲ୍ଲେଖ ରହିଛି ।

ମନ୍ଦିରରେ ଶ୍ରଦ୍ଧାଳୁଙ୍କ ଭିଡକୁ ମଧ୍ୟ ନଜର ରଖିବେ ସ୍ଥାନୀୟ ପ୍ରଶାସନ । ଯଦି ରାଜ୍ୟ ସରକାର ଜାରି କରିଥିବା ଗାଇଡଲାଇକୁ କୈଣସି ଶ୍ରଦ୍ଧାଳୁ ଅବମାନାନ କରନ୍ତି, ତେବେ ତାଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏନେଇ ସବୁ ଜିଲ୍ଲାପାଳ ଓ ମ୍ୟୁନିସିପାଲ କର୍ପେରେସନକୁ ନିର୍ଦ୍ଦେଶ ଦିଆଯାଇଛି ।

ଦିନକ ପରେ ଜାଗର ଯାତ୍ରା ଥିବାବେଳେ ଏସଆରସିଙ୍କ ପକ୍ଷରୁ ଏହି ନିର୍ଦ୍ଦେଶନାମା ଆଜି ପ୍ରକାଶ କରାଯାଇଛି । କୋଭିଡ ଗାଇଡଲାଇନ ଅନୁସାରେ ମନ୍ଦିର ଭିତରେ ଓ ବାହାରେ ଗହଳି ଉପରେ କଟକଣା ଲାଗୁ ହୋଇଛି । ମେଳା ବସିବା ନେଇ ନିର୍ଦ୍ଦେଶନାମରେ ଉଲ୍ଲେଖ ରହିଛି । ସେହିପରି ମନ୍ଦିର ପରିସରରେ ଏବଂ ବାହାରେ ଶ୍ରଦ୍ଧାଳୁଙ୍କ ବସିବା ଉପରେ ମଧ୍ୟ କଟକଣା ଲାଗିଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner