ନନ୍ଦିଘୋଷ ବ୍ୟୁରୋ ; ଗୁଜରାଟରୁ ଆଉ ଜଣେ ଗୁପ୍ତଚର ଗିରଫ ହୋଇଛି। କଚ୍ଛ ଅଞ୍ଚଳର ଏକ ହସପିଟାଲରେ କାମ କରୁଥିଲା ଅଭିଯୁକ୍ତ। ସେ ପାକିସ୍ତାନକୁ ଗୁରୁତ୍ଵପୂର୍ଣ୍ଣ ସୂଚନା ପ୍ରଦାନ କରିଥିବାର ଅଭିଯୋଗ ହୋଇଛି। ଅଭିଯୁକ୍ତର ନାଁ ହେଲା ସହଦେବ ସିଂହ ଗୋହିଲ। ତାର ଗାର୍ଲଫ୍ରେଣ୍ଡ ହେଉଛି ପାକିସ୍ତାନୀ ଏଜେଣ୍ଟ। ତାକୁ ବିଏସଏଫ୍ ଓ ବାୟୁସେନାର ତଥ୍ୟ ପ୍ରଦାନ କରିଥିଲା ଅଭିଯୁକ୍ତ । ଅଭିଯୁକ୍ତ ଉପରେ ବହୁ ଦିନରୁ ନଜର ରଖାଯାଇଥିଲା। ଗତ ମେ ୧ ତାରିଖରେ ତାକୁ ଗୁଜରାଟ ଏଟିଏସ୍ ଡାକି ପଚରା ଉଚରା କରିଥିଲା। ପରେ ଗୁଇନ୍ଦାଗିରିର ପ୍ରମାଣ ପାଇବା ପରେ ସହଦେବକୁ ଗିରଫ କରାଯାଇଛି। ସୂଚନାରୁ ଜଣାଯାଇଛି ଯେ, ଜୁନ ଜୁଲାଇ ୨୦୨୩ରୁ ସହଦେବ ସିଂହ ଗୋହିଲ ଅଦିତି ଭରଦ୍ଵାଜ ନାମକ ଜଣେ ଝିଅ ସଂସ୍ପର୍ଶରେ ଆସିଥିଲା। ସେ ପାକିସ୍ତାନୀ ଏଜେଣ୍ଟ ଥିଲା। ସେ ବିଏସଏଫ ଓ ବାୟୁସେନାର ଫଟୋ ଓ ତଥ୍ୟ ମାଗିଥିଲା । ହ୍ଵାଟସ୍ ଅଫ୍ ଜରିଆରେ ତାକୁ ସୂଚନା ପ୍ରଦାନ କରିଥିଲା ଅଭିଯୁକ୍ତ। ସବୁ ପ୍ରମାଣ ମିଳିବା ପରେ ସହଦେବକୁ ଗିରଫ କରାଯାଇଛି।
