ପୁଣି ଏକ ସ୍ପାଇସଜେଟ ବିମାନରେ ଯାନ୍ତ୍ରିକ ତ୍ରୁଟି ପାଇଁ ଜରୁରୀ ଅବତରଣ

ମୁମ୍ବାଇ: ସ୍ପାଇସଜେଟର ଆଉ ଏକ ବିମାନରେ ଯାନ୍ତ୍ରିକ ତ୍ରୁଟି କାରଣରୁ ଜରୁରୀକାଳିନ ଅବତରଣ କରିବାକୁ ପଡିଛି । ଏସଜି ୩୩୨୪ ବିମାନର ୱିଣ୍ଡସିଲ୍ଡ ଭାଙ୍ଗିଯିବାରୁ ଜରୁରୀ ଅବତରଣ କରିବାକୁ ପଡିଛି । ମୁମ୍ବାଇରେ ଜରୁରୀକାଳୀନ ଅବତରଣ କରାଯାଇଛି ।  କ୍ରିୟୁ ସଦସ୍ୟ ଓ ସମସ୍ତ ଯାତ୍ରୀ ସୁରକ୍ଷିତ ଥିବା ସୂଚନା । ସୂଚନାନୁଯାୟୀ, ଗୁଜୁରାଟର କାଣ୍ଡଲାରୁ ଉଡ଼ାଣ ଭରିଥିଲା ଏହି ବିମାନ । କିନ୍ତୁ ମଝି ଆକାଶରେ ବିମାନର ୱିଣ୍ଡଶିଲ୍ଡରେ ଭାଙ୍ଗିଯାଇଥିଲା । କୁହାଯାଉଛି ବିମାନର ବାହାର ଡୋରରେ ସାମାନ୍ୟ ଅଧିକ ଚାପ ପଡିବା କାରଣରୁ ଭାଙ୍ଗିଥିଲା ।

ଏହାପରେ ବିମାନକୁ ସୁରକ୍ଷିତ ମୁମ୍ବାଇ ବିମାନବନ୍ଦରରେ ଅବତରଣ କରାଯାଇଥିଲା । ବିମାନର ସମସ୍ତ ଷ୍ଟାଫ ଏବଂ ସେଥିରେ ଥିବା ସମସ୍ତ ଯାତ୍ରୀ ସୁରକ୍ଷିତ ବିମାନରୁ ବାହାରକୁ ବାହାର କରାଯାଇଛନ୍ତି । ସୂଚନାଥାଉକି ଗତ ୧୭ ଦିନ ମଧ୍ୟରେ ଏହା ୭ମ ଘଟଣା ଅଟେ । ଆଜି ସକାଳେ ଫୁଏଲ ଇଣ୍ଡିକେଟରରେ ତ୍ରୁଟି କାରଣରୁ ଦିଲ୍ଲୀରୁ ଦୁବାଇ ଯାଉଥିବା ସ୍ପାଇସ ଜେଟ ଏସଜି-୧୧ ଫ୍ଲାଇଟ ପାକିସ୍ତାନର କରାଚିରେ ଲ୍ୟାଣ୍ଡିଂ କରାଯାଇଥିଲା ।