ମଝି ଆକାଶରେ ଦେବଦୂତ ସାଜିଲେ କଟକର ଡାକ୍ତର ଜ୍ୟୋତିର୍ମୟ ନାୟକ

ନନ୍ଦିଘୋଷ ବ୍ୟୁରୋ: ମଝି ଆକାଶରେ ଦେବଦୂତ ସାଜିଲେ କଟକର ଡାକ୍ତର ଜ୍ୟୋତିର୍ମୟ ନାୟକ। ୨ ଦିନ ତଳେ ସେ ଦିଲ୍ଲୀ ଯାତ୍ରା କରୁଥିଲେ। ସେହି ବିମାନରେ ଯାତ୍ରା କରୁଥିବା ଜଣେ ମହିଳା ହଠାତ୍ ବିମାନ ମଧ୍ୟରେ ଅଚେତ୍ ହୋଇପଡ଼ିଥିଲେ। ସଙ୍ଗେ ସଙ୍ଗେ ପାଖ ସିଟରେ ବସିଥିଲା ଡାକ୍ତର ନାୟକ ତାଙ୍କୁ ସିପିଆର ଦେଇଥିଲେ। କିଛି ସମୟପରେ ତାଙ୍କ ସ୍ଥିତିରେ ସୁଧାର ଆସିଥିଲା। ଶେଷରେ ବିମାନ ଅବତରଣ ପରେ ତାଙ୍କୁ ହସ୍ପିଟାଲକୁ ନିଆଯାଇଥିଲା। ଏହାର ଭିଡ଼ିଓ ସୋସିଆଲ୍ ମିଡିଆରେ ଭାଇରାଲ୍ ହେବା ପରେ କଟକ ଏସସିବିର ଡାକ୍ତର ଜ୍ୟୋତିର୍ମୟଙ୍କୁ ସବୁଠି ପ୍ରଶଂସା କରାଯାଇଥିଲା।

ବିମାନ ଭିତରେ ଜଣେ ମହିଳାଙ୍କ ଦେହ ଖରାପ ହେବା ଓ ଏୟାର ହଷ୍ଟେସଙ୍କ ଅନୁରୋଧ ରକ୍ଷା କରି ସଂପୃକ୍ତ ଅସୁସ୍ଥ ମହିଳାଙ୍କର ଚିକିତ୍ସା କରିବା ସତରେ ନିଆରା ଅନୁଭୂତି ଥିଲା ବୋଲି ନନ୍ଦିଘୋଷ ଟିଭିକୁ କହିଛନ୍ତି ଡାକ୍ତର ଜ୍ୟୋତିର୍ମୟ ନାୟକ । ଦୁଇ ଦିନ ତଳେ ଏକ କନଫରେନ୍ସ ରେ ଯୋଗ ଦେବାକୁ ସେ ବିମାନରେ ରାୟପୁର ହୋଇ ଦିଲ୍ଲୀ ଯାତ୍ରା କରୁଥିଲେ। ସେହି ବିମାନରେ ଯାତ୍ରା କରୁଥିବା ଜଣେ ବୟସ୍କା ମହିଳା ହଠାତ ରାତିରେ ଅଚେତ ହୋଇ ତଳେ ପଡ଼ିଯାଇଥିଲେ। ସଙ୍ଗେ ସଙ୍ଗେ ପାଖ ସିଟ୍ ରେ ବସିଥିବା ଡାକ୍ତର ନାୟକ ନିକଟକୁ ଯାଇ ସିପିଆର ଦେଇଥିଲେ। ଏହାର କିଛି ସମୟ ପରେ ମହିଳାଙ୍କ ଅବସ୍ଥା ସୁଧାର ଆସିଥିଲା। ଶେଷରେ ବିମାନ ଅବତରଣ ପରେ ତାଙ୍କୁ ମେଡିକାଲ ନିଆଯାଇଥିଲା। ଏହାର ଭିଡିଓ ସୋସିଆଲ ମିଡ଼ିଆ ରେ ଭାଇରାଲ ହେବା ପରେ ଡାକ୍ତର ଙ୍କ  ଏହି କାର୍ଯ୍ୟ ପାଇଁ ତାଙ୍କୁ ସବୁଆଡେ ପ୍ରଶଂସା କରାଯାଉଛି।