ଓଡ଼ିଆଣୀ ବେଶରେ ସଜେଇ ହେବେ ଶ୍ରୀରାଧା, ଚଳଚଞ୍ଚଳ ଶ୍ରୀଗୋପାଳଜୀଉଙ୍କ ପୀଠ
ପୁରୀ: ଆଜି ପବିତ୍ର ଅଁଳା ନବମୀ । ଉତ୍ସବମୁଖର ପୁରୀ ଜିଲ୍ଲାର ସାକ୍ଷୀଗୋପାଳ । ଅଁଳା ନବମୀ ପାଇଁ ଚଳଚଞ୍ଚଳ ହୋଇଛି ଶ୍ରୀ ଗୋପାଳଜୀଉଙ୍କ ପୀଠ । ଓଡ଼ିଆଣୀ ବେଶରେ ସଜେଇ ହେବେ ଶ୍ରୀରାଧା । ନବମୀରେ ଶ୍ରଦ୍ଧାଳୁମାନେ ଅଁଳା ଗଛକୁ ପୂଜାର୍ଚ୍ଚନା କରିବା ସହିତ ରାଧାପାଦ ଦର୍ଶନ କରିବେ ।
ଭୋର ୫ଟାରୁ ମଙ୍ଗଳା ଆରତୀ ସରିଥିବା ବେଳେ ଅବକାଶ, ନଟବର ବେଶ, ସୂର୍ଯ୍ୟପୂଜା, ଦ୍ଵାରପାଳ ପୂଜା, ବଲ୍ଲଭ, ସକାଳ ଧୂପ, ମଦନ ମୋହନ ଭୋଗ ନୀତି ହେବ । ଏହା ପରେ ଶ୍ରଦ୍ଧାଳୁଙ୍କ ଦର୍ଶନ ପାଇଁ ସାହାଣ ମେଳା ହେବ । ଭକ୍ତଙ୍କ ଦର୍ଶନ ପାଇଁ ବ୍ୟାରିକେଟ୍ ବ୍ୟବସ୍ଥା ହୋଇଥିବାବେଳେ ଆଇନ ଶୃଙ୍ଖଳା ବ୍ୟବସ୍ଥା ପାଇଁ ୨୦ ପ୍ଲାଟୁନ୍ ଫୋର୍ସ ମୁତୟନ ହେବେ ।
