ପଞ୍ଚୁଦଣ୍ଡ ମହାମିଳନରେ ହଜାର ହଜାର ଭକ୍ତଙ୍କ ସମାଗମ, ଧୂଳିଦଣ୍ଡ ପାଣିଦଣ୍ଡ ଦେଖିବାକୁ ଭିଡ

ବ୍ରହ୍ମପୁର: ଗଞ୍ଜାମ ଜିଲ୍ଲାର ଗାଁଠୁ ସହର ସବୁଠି ମାନସିକ ଧାରୀଙ୍କ ଘର ଆଗରେ ଦଣ୍ଡଯାତ୍ରା ପାଇଁ ଉତ୍ସାହ । ଢୋଲ ଓ ମହୁରୀ ଶବ୍ଦରେ କମ୍ପି ଉଠୁଛି ସାରା ପରିବେଶ  । ଧୂଳିଦଣ୍ଡ ସାଙ୍ଗକୁ ପାଣିଦଣ୍ଡ ପରେ ରାତିରେ ବିଭିନ୍ନ ପୌରାଣିକ ନାଟକ ଓ ସାମାଜିକ ନାଟକ ପରିବେଷଣ ହେଉଛି। ଗଞ୍ଜାମ ଜିଲ୍ଲା ଆସିକା ବ୍ଲକର ଖାରିଆ ପଞ୍ଚାୟତର ସନ୍ଧି ନୂଆଁପଲି ଗାଁରେ ପଞ୍ଚୁଦଣ୍ଡ ମହାମିଳନରେ ହଜାର ହଜାର ଭକ୍ତଙ୍କ ସମାଗମ ହୋଇଛି  ।

ପଞ୍ଚୁଦଣ୍ଡରେ ଯିଏ ଯାହା ମାନସିକ କରନ୍ତି ତାହା ପୂରଣ ହୋଇ ଥାଏ ବୋଲି ଭକ୍ତଙ୍କ ବିଶ୍ବାସ ରହିଆସିଛି  । ପଞ୍ଚୁଦଣ୍ଡ ମହାମିଳନ ଦେଖିବା ପାଇଁ ହଜାର ହଜାର ଭକ୍ତଙ୍କ ସମାଗମ ହୋଇଛି । ଆସିକା, କବିସୂର୍ଯ୍ୟନଗର, ଖୁକୁଣ୍ଡିଆ ଓ ଗୋଲିଆ ଗାଁର ଦଣ୍ଡୁଆ ମାନେ ଆସି ମାନସିକ ଧାରୀଙ୍କ ଘର ସମୁଖରେ ଦଣ୍ଡ ବିଧାନ କରିଛନ୍ତି  । ତତଲା ବାଲିରେ ଖାଲି ପାଦରେ ନିଷ୍ଠାର ସହ ଦଣ୍ଡୁଆ ମାନେ ଦଣ୍ଡ ବିଧାନ କରିଛନ୍ତି । ୧୩ରୁ ୧୪ ଦିନ ନିଷ୍ଠାର ସହ ଦଣ୍ଡ ନାଚରେ ସାମିଲ ହୋଇ ଦଣ୍ଡୁଆମାନେ ମାଆ କାଳୀଙ୍କୁ ପୂଜାର୍ଚ୍ଚନା କରିଥାନ୍ତି  ।

ବିଶେଷ କରି ପଞ୍ଚୁଦଣ୍ଡରେ ପାଞ୍ଚୋଟି ଦଣ୍ଡ ମହାମିଳନ ନିଆରା ପରିବେଶ ସୃଷ୍ଟି କରିଥାଏ । ଯାହାକୁ ଦେଖିବାକୁ ହଜାର ହଜାର ଭକ୍ତଙ୍କ ସମାଗମ ହୋଇଥାଏ  ।