ବାଲେଶ୍ୱର: ଓଡିଶାର ଉତ୍ତର ସୀମାନ୍ତ ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ ହୁଗୁଳି ଠାରେ ବିରାଜିତ ଆଜି ବାବା ଚନ୍ଦନେଶ୍ୱରଙ୍କ ପ୍ରସିଦ୍ଧ ଚଡକ ଯାତ୍ରାର ଆଜି ଅନ୍ତିମ ପର୍ବ ତଥା ପାଟ ପର୍ବ। ୧୩ ଦିନ ଧରି ଚାଲିଥିବା ଚଡ଼କ ଯାତ୍ରାର ଉପବିତ ଧାରଣ କରିଥିବା ଭକ୍ତଙ୍କ ମଧ୍ୟରେ ଭାତୃତ୍ବ ଭାବ ସୃଷ୍ଟି ପାଇଁ ରହିଛି ନିଆରା ପରମ୍ପରା। ସକାଳୁ ଭକ୍ତ ମାନେ ନିଜ ନିଜ ମଧ୍ୟରେ ମାଳା ଚନ୍ଦନୀ ହେବା ସହିତ ଆଲିଙ୍ଗନ କରିଥାନ୍ତି। ସକାଳୁ ମାଳା ଚନ୍ଦନୀ ସମାପନ ପରେ ହାକାଣ୍ଡ ପୋଖରିରୁ ବୁଡ ଲଗାଇ ଭକ୍ତ ମାନେ ନିଜ ଦେହ, ଜିଭରେ କଣ୍ଟା ଧାରଣ କରି ବିରାଟ କାୟ ପୋଟୁଆଧରାରେ ବାଜା ତୁରି ବଜାଇ ଚନ୍ଦନେଶ୍ଵର ମନ୍ଦିରରେ ପହଞ୍ଚି ନିଜକୁ ବାବାଙ୍କ ପାଖରେ ସମର୍ପଣ କରିବେ। ସନ୍ଧ୍ୟାରେ ଶେଷ ଅର୍ଘ୍ୟ ପାଇ ସମସ୍ତେ ବ୍ରତ ସମାପନ କରିବେ।
ଏହି ଚଡ଼କ ଯାତ୍ରାର ଅନ୍ତିମ ଯାତ୍ରା ଦେଖିବା ପାଇଁ ୧୦ ଲକ୍ଷରୁ ଉର୍ଦ୍ଧ୍ବ ଭକ୍ତଙ୍କ ସମାଗମ ହେବ ବୋଲି ପ୍ରସାଶନ ଆକଳନ କରିଛି। ଭକ୍ତଙ୍କ ଗହଳିକୁ ଦୃଷ୍ଟିରେ ରଖି ପ୍ରସାସନ ପକ୍ଷରୁ ବ୍ୟାପକ ବ୍ୟବସ୍ତା ଗ୍ରହଣ କରାଯାଇଛି।
