ମ୍ୟାଚ ପାଇଁ ଦୁଇଟି ରୁଟରେ ଗଡ଼ିବ ସ୍ୱତନ୍ତ୍ର ’ମୋ ବସ୍’

କଟକ: ବାରବାଟୀ ଟି-୨୦ ମ୍ୟାଚ ପାଇଁ ସ୍ବତନ୍ତ୍ର ମୋ ବସ୍ ସେବା । ଦର୍ଶକଙ୍କ ଯିବା ଆସିବା ପାଇଁ ସ୍ବତନ୍ତ୍ର ମୋ ବସ୍ ସେବା ଯୋଗାଇ ଦିଆଯିବ । ଆସନ୍ତାକାଲି ଭୁବନେଶ୍ବରରୁ ବାରବାଟୀକୁ ଦୁଇଟି ରୁଟରେ ଗଡ଼ିବ ସ୍ବତନ୍ତ୍ର ମୋ ବସ୍ । ପ୍ରଥମ ରୁଟରେ ବସ୍ ମାଷ୍ଟରକ୍ୟାଣ୍ଟିନରୁ ଭାୟା ରସୁଲଗଡ଼ ଦେଇ ବାରବାଟୀ ଷ୍ଟାଡିୟମ ଯିବ । ଦ୍ବିତୀୟ ରୁଟରେ ବରମୁଣ୍ଡାରୁ ଭାୟା ପଟିଆ ଦେଇ ବାରବାଟୀ ଷ୍ଟାଡିୟମ ଯିବ ମୋ ବସ୍ । ମଧ୍ୟାହ୍ନ ୧୨ ଟା ୩୦ ରୁ ବସ୍ ଚଳାଚଳ କରିବ ।

ମ୍ୟାଚ୍ ସରିବା ପରେ ରାତି ୧୧ ଟା ୩୦ରୁ ଦର୍ଶକଙ୍କୁ ନେଇ ମୋ ବସ୍ ଷ୍ଟାଡିୟମରୁ ବରମୁଣ୍ଡା ବସଷ୍ଟାଣ୍ଡ ଏବଂ ମାଷ୍ଟର କ୍ୟାଣ୍ଟିନ ଅଭିମୁଖେ ଯାତ୍ରା କରିବ । ଏହି ସ୍ବତନ୍ତ୍ର ବସର ଭଡ଼ା ୪୦ ଟଙ୍କା ରଖାଯାଇଛି । ଏନେଇ କ୍ୟାପିଟାଲ ରିଜିୟନ ଅର୍ବାନ ଟ୍ରାନ୍ସପୋର୍ଟ କ୍ରୁଟ ପକ୍ଷରୁ ସୂଚନା ଦିଆଯାଇଛି।