କେନ୍ଦ୍ରାପଡ଼ାର ଶିକ୍ଷାନୁଷ୍ଠାନ ବିକାଶ ପାଇଁ ସ୍ବତନ୍ତ୍ର ଅନୁଦାନ

ଭୁବନେଶ୍ବର:ଦୀର୍ଘଦିନର ସମସ୍ୟା ୨୪ ଘଣ୍ଟାରେ ପୂରଣ । କେନ୍ଦ୍ରାପଡାର ଶିକ୍ଷାନୁଷ୍ଠାନର ବିକାଶ ପାଇଁ ରାଜ୍ୟ ସରକାର ଦେଲେ ସ୍ବତନ୍ତ୍ର ଅନୁଦାନ । ୨ଟି ପର୍ଯ୍ୟାୟରେ ସ୍କୁଲ ଓ କଲେଜରେ ଶିକ୍ଷା କ୍ଷେତ୍ରରେ ବିଭିନ୍ନ ବ୍ୟବସ୍ଥା ପାଇଁ ଅର୍ଥରାଶୀ ଘୋଷଣା କରାଯାଇଛି । ପ୍ରଥମ ପର୍ଯ୍ୟାୟରେ ୫୭ଟି ସ୍କୁଲ ପାଇଁ ଖର୍ଚ୍ଚ ହେବ ୨୬ କୋଟି, ଦ୍ବିତୀୟ ପର୍ଯ୍ୟାୟରେ ୨୫ଟି କଲେଜ ପାଇଁ ଖର୍ଚ୍ଚ ହେବ ୧୮ କୋଟି ଟଙ୍କା ।

ସ୍କୁଲରେ ସ୍ମାର୍ଟ କ୍ଲାସରୁମ୍, ଇ-ଲାଇବ୍ରେରୀ, ସାଇନ୍ସ ଲ୍ୟାବ, ପାନୀୟ ଜଳ ସହ ଶୌଚାଳୟ ବ୍ୟବସ୍ଥା ପାଇଁ ଏହି ଅର୍ଥ ଖର୍ଚ୍ଚ ହେବ । ଏଥିସହ ଦ୍ବିତୀୟ ପର୍ଯ୍ୟାୟ ପାଇଁ ୨୫ଟି କଲେଜରେ ସ୍ମାର୍ଟ କ୍ଲାସରୁମ୍, ଇ-ଲାଇବ୍ରେରୀ, ସାଇନ୍ସ ଲ୍ୟାବ, ପାନୀୟ ଜଳ ସହ ଶୌଚାଳୟ ପାଇଁ ୧୮ କୋଟି ଟଙ୍କା ଖର୍ଚ୍ଚ ହେବ । ନିକଟରେ 5T ସଚିବ ଭିକେ ପାଣ୍ଡିଆନଙ୍କ କେନ୍ଦ୍ରାପଡା ଗସ୍ତ ସମୟରେ ଏଭଳି ବ୍ୟବସ୍ଥା ପାଇଁ ଛାତ୍ରଛାତ୍ରୀ ନିବେଦନ କରିଥିଲେ । ମୁଖ୍ୟମନ୍ତ୍ରୀ ସ୍ବତନ୍ତ୍ର ସହାୟତା ମାଧ୍ୟମରେ ସ୍କୁଲ ଓ କଲେଜ ପାଇଁ ଅନୁଦାନ ରାଶୀ ପ୍ରଦାନ କରାଯାଇଛି ।